Die immergewilde Kersklanke met Carel Trichardt en Petru Wessels vier hierdie jaar sy 21e speelvak.
“Dit het nooit by ons opgekom, toe ons in die vroeë 1990s saam met Lucas Maree, die eerste Kersklanke beplan het, dat daar soveel ondersteuning en belangstelling sou wees nie,” sê Carel Trichardt.
Kersklanke is stories en vertellinge oor Kersfees met sang en musiek. Katrien Holm en Herman van den Berg sluit hierdie jaar aan by Carel en Petru. Dit is moontlik egter die laaste speelvak in Pretoria, aangesien Carel en Petru nou in Somerset-Wes in die Wes-Kaap woon.
Kerslig, hooibale, gemmerbier en soetkoekies dra by tot die innige en warm atmosfeer van ’n tradisionele Kersfeesviering.
Plek:
Die Pierneefteater
Speelvak:
Donderdag 14 November om 19:00
Vrydag 15 November om 19:00
Saterdag 16 November om 10:00 en 19:00
Sondag 17 November om 15:00
Prys:
R100-00 per persoon
Besprekings kan gedoen word by die Pierneefteater (012) 329 0709.
Die 2 “Goue Oues” – met respek Petru :), se “Kersklanke” het ‘n manier om jou by te bly. ‘n Hele aantal jare is nou al onder die brug deur en steeds haal ek die pragtige hoogtepunte keer op keer, die tyd van die jaar uit en stof dit af. ‘n Mens kan maar gerus ‘n oomblik by die Pierneefteater vertoef en mooi goeters met jou saamneem.