Deur Suné van Heerden
Ek het met groot verwagting Lulu Botha se stuk, Paloekas – Dagboek van ʼn Single Girl gaan kyk. As ongetroude meisie het ek uitgesien na ʼn stuk wat tot my hart sou spreek: om te weet dat iemand dieselfde wedervaringe as ek beleef.
Paloekas stel egter teleur. Die gehoor het met tye gelag maar ongelukkig nie so uitbundig soos wat mens van só ʼn tipe stuk sou verwag nie.
Botha se vertolking as Ouma Tilla wat eiehandig gesorg het dat Bles Bridges nooit weer Calvinia sou besoek nie was na my mening die beste deel van die stuk.
Paloekas – Dagboek van ʼn Single Girl wys tans by die Clover Aardklop Nasionale Kunstefees.
