Die gewilde pianis Rocco de Villiers is binnekort weer op die verhoog te sien in sy nuutste verhoogproduksie, Amazing Grace.
Dié hoofsaaklik Engelse produksie volg kort op die hakke van sy uiters suksesvolle CD, Beautiful Beautiful Hymns.
Teatergangers kan uitsien na ou bekende liedjies soos “Abide with me”, “The holy city”, “Amazing grace”, “Ave Maria”, “Glory, glory hallelujah”, “How great thou art” en “Silent night”.
Kunstenaars wat die verhoog met Rocco sal deel, is onder andere die doedelsakspeler Estian Zietsman, die orrelis Pieter van den Berg, die violis Lizelle le Roux, die perkussiespeler Stephen Liebenberg en die aktrise Lauren Botha.
Die vertoning vind plaas by die Pieter Toerien-teater van 6 tot 17 April. Kaartjies kan bespreek word by Computicket of deur die teater te kontak by 011 511 1988. CD’s, DVD’s en bladmusiek sal te koop wees by die deure.