‘Boer soek ʼn vrou’ kry nuwe aanbieder

Minki en haar man, Ernst. Foto: Instagram via Minki van der Westhuizen

Minki en haar man, Ernst. Foto: Instagram via Minki van der Westhuizen

Kykers van die gewilde kykNET-televisiereeks Boer soek ʼn vrou kan binnekort ʼn nuwe aanbieder van dié program in hul TV-kamers verwag.

kykNET het pas aangekondig die TV-aanbieder en model Minki van der Westhuizen neem in die volgende reeks die leisels by Nadia Beukes oor. Sy sal die vierde aanbieder van dié gewilde program wees wat reeds by sy negende seisoen gaan draai.

Nadia gaan glo meer akteurswerk doen en gaan onder meer in die televisiereeks Getroud met rugby begin speel.

Minki het in Desember verlede jaar saam met haar man, Ernst Joubert, en hul twee kinders, Katerien (2) en Elise (1), teruggekeer na Suid-Afrika.

Sy het aan kykNET vertel sy is opgewonde oor die nuwe uitdaging. “’n Werklikheids-TV-program is iets heeltemal nuut vir my, maar ek sien baie uit om al die nuwe mense te ontmoet, die nuwe uitdaging aan te pak en deel te vorm van hierdie groot en suksesvolle produksie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
Theresa B

Dis so ironies dat mense wat alles in die lewe het – dat dinge nogsteeds in hul skote val.
Wonder maar net.

MCS

Ek hou baie van Minki, maar werklik, seker daar is baie nuwe opkomende mense wat die werk ook kan doen! Baie mense daar buite wat geld meer nodig het as sy!

Martin

Hoekom kon ons as kykers nie die aanbieder kies nie?

Cecilia

Moenie so suur druiwe wees nie. Dis nie haar skuld sys mooi nie. Ek dink sy sal ‘n uitstekende aanbieder wees.

sarel strydom

O!!! die groen rokkies wil hulle dra!!! welkom terug in SA Minki. Jy was en is nog steeds een van SA se beste ambasedeurs!