[Foto’s] Aktrise maak geskiedenis by Emmys 2017

Julia Louis-Dreyfus (Foto: Jordan Strauss Invision/AP)

Die gesogte Emmy-toekennings wat die room van die televisiebedryf vereer, is Sondagaand in die Microsoft-teater in Kalifornië in die VSA uitgedeel.

Dié toekennings, wat vanjaar vir die 69ste keer uitgedeel is, bring eer aan televisiewerk wat tussen 1 Junie 2016 en 31 Mei 2017 gelewer is. Die wenners word aangewys deur die Academy of Television Arts & Sciences.

Die Amerikaanse aktrise Julia Louis-Dreyfus het geskiedenis gemaak by vanjaar se toekennings nadat sy vir die sesde agtereenvolgende jaar as die beste aktrise in ʼn komediereeks vir haar rol in Veep aangewys is. Dit is die aktrise se sewende Emmy in dié kategorie en haar agtste Emmy in geheel. Veep het ook die Emmy-toekenning vir die beste komediereeks gewen.

Reekse wat veral vanjaar skoonskip gemaak het, is The Handmaid’s tale wat altesaam vyf Emmy-toekennings ingeryg het en Big little lies wat met vier toekennings huis toe is.

Dié toekennings volg kort ná die Creative Arts Emmy-toekennings waar die Suid-Afrikaans gebore komediant Trevor Noah ook sy eerste Emmy-toekenning gewen het. Hy is met dié toekenning bekroon vir sy YouTube-dokumentêr, The Daily Show: Between the Scenes.

Hier is ʼn lys wenners van die Emmy-wenners:

Beste dramareeks
The Handmaid’s tale

Beste komediereeks
Veep

Beste akteur in ʼn dramareeks
Sterling K. Brown – This is Us

Beste aktrise in ʼn dramareeks
Elisabeth Moss – The Handmaid’s tale

Beste mansbyspeler in ʼn dramareeks
John Lithgow – The Crown

Beste vrouebyspeler in ʼn dramareeks
Ann Dowd – The Handmaid’s tale

Beste akteur in ʼn komediereeks
Donald Glover – Atlanta

Beste aktrise in ʼn komediereeks
Julia Louis-Dreyfus – Veep

Beste mansbyspeler in ʼn komediereeks
Alec Baldwin – Saturday night live

Beste vrouebyspeler in ʼn komediereeks
Kate McKinnon – Saturday night live

Beste kortreeks
Big little lies

Beste akteur in ʼn kortreeks
Riz Ahmed – The night of

Beste aktrise in ʼn kortreeks
Nicole Kidman – Big little lies

Beste vrouebyspeler in ʼn kortreeks
Laura Dern – Big little lies

Beste mansbyspeler in ʼn kortreeks
Alexander Skarsgard – Big little lies

Beste kletsprogram
Last week tonight with John Oliver

Beste werklikheidskompetisieprogram
The Voice

Beste regisseur vir ʼn komediereeks
Donald Glover – Atlanta

Beste regisseur vir ʼn dramareeks
Reed Morano – The Handmaid’s tale

Beste draaiboek vir ʼn dramareeks
Bruce Miller – The Handmaid’s tale

Beste draaiboek in ʼn komediereeks
Aziz Ansari en Lena Waithe – Master of none

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.