Die ATKV-Mediaveertjies vereer jaarlikse presteerders in die Afrikaanse mediabedryf en dié toekenningsgeleentheid is gister by Vodacom World in Midrand gehou.
Die geleentheid het heel gepas plaasgevind op die dag wat Afrikaans sy 90ste jaar as amptelike landstaal vier.
Die bekende radiopersoonlikheid, Martelize Brink, het met twee Mediaveertjies weggestap vir beste aanbieder of onderhoudvoerder van ’n vermaaklikheids- of joernaalprogram en haar program Oggend op RSG. Anton Brink van Tygerberg 104FM is gekroon as die beste aanbieder by ʼn gemeenskapradiostasie.
Die skreeusnaakse Emo Adams en Anne Hirsch was nie net die aanbieders van die aand nie, maar Emo het ook self ʼn mediaveertjie ontvang vir die beste aanbieder in ʼn vermaaklikheids- of leefstylprogram of werklikheidsreeks vir sy program Jou show met Emo.
Die eNuus-joernalis Daniëlla van Heerden het ook ʼn veertjie ontvang vir beste insetsel in ʼn nuusbulletin vir die insetsel Woema in die woestyn en Vrygebore en vrydenkend.
Johan van Jaarsveld van die televisiereeks Vallei van Sluiers het weggestap met die prys vir beste dramareeks of enkeldrama. Annie Malan het ʼn Mediaveertjie ontvang vir beste aktrise in ʼn dramareeks of enkeldrama vir haar rol in Swartwater terwyl Stian Bam aangewys is as die beste akteur vir sy rol in Vallei van Sluiers.
Hier volg ’n volledige lys van wenners:
Beste aanbieder of onderhoudvoerder van ’n vermaaklikheids- of joernaalprogram:
Martelize Brink – Oggend op RSG: Edwin Cameron – RSG
Beste insetsel in ’n vermaaklikheids- of joernaalprogram:
Johan van Lill – RSG Kuns: Ballet 80 jaar – RSG
Beste insetsel in ’n nuus- of dieptenuusprogram:
Izak du Plessis – Monitor: Plaasaanvalle – RSG
Beste vermaaklikheids- of joernaalprogram:
Martelize Brink – Oggend op RSG – RSG
Beste dokumentêre program of programreeks:
Johan Rademan – Robbeneiland: Simbool van demokrasie – RSG
Beste radiodrama of -teater:
Margot Luyt – As die donker die son insluk – RSG
Beste aanbieder by ’n gemeenskapsradiostasie:
Anton Brink – Oggendrooi – Tygerberg 104FM
Beste indiepte-artikel:
Marelize Potgieter en Almari Wessels – “Skuldig of nie: God sal besluit” – Huisgenoot
Beste ondersoekende joernalistiek:
Pieter-Louis Myburgh – “Duurste soustrein” – Rapport
Beste persoonlikheidsprofiel:
Hanlie Retief – “Dok se diagnose oor haarself: Uitstekend!” – Rapport
Beste kunste-artikel:
Elmari Rautenbach – “Kamphoer: ’n Storie in twee stemme” – Rapport
Beste leefstyl-storie:
Hanlie Retief – “Grace Boltney” – Rapport
Beste essay, rubriek of opiniestuk:
Barend Vos – “For what we are about to receive …” – LiG
Beste sportartikel:
Erns Grundling – “Ons wag op die marlin” – Weg
Beste gemeenskaps- of plaaslike koerant:
Paarl Post – Redakteur: Lise Beyers
Beste draaiboek vir ’n dramareeks of enkeldrama:
Louis Pretorius en Johan van Jaarsveld – Vallei van Sluiers
Beste regisseur vir ’n dramareeks of enkeldrama:
Janhendrik Burger – Die lang kat
Beste dramareeks of enkeldrama:
Johan van Jaarsveld – Vallei van Sluiers
Beste akteur in ’n dramareeks of enkeldrama:
Stian Bam – Vallei van Sluiers
Beste aktrise in ’n dramareeks of enkeldrama:
Annie Malan – Swartwater
Beste aanbieder of onderhoudvoerder in ’n gesels- of joernaalprogram:
Denver Vraagom – Kollig
Beste insetsel in ’n gesels- of joernaalprogram:
Wim Steyn – Dagbreek: PJ Kotze
Beste gesels- of joernaalprogram:
André Calitz en Ronel Moodie – Reis na Gister: Koos Kombuis
Beste aanbieder of onderhoudvoerder in ’n nuus- of aktualiteitsprogram:
Waldimar Pelser – Insig
Beste insetsel in ’n nuus- of aktualiteitsprogram:
Byron Taylor – Fokus: ’n Berg om te bid
Beste nuus- of aktualiteitsprogram:
Jaco Loubser – Groen Reis
Beste insetsel in ’n nuusbulletin:
Daniëlla van Heerden – eNuus: Woema in die woestyn en Vrygebore en vrydenkend
Beste dokumentêre program of programreeks:
Marike Bekker – Ruk & Riel
Beste vermaaklikheidsprogram:
Jaco Loubser – Jou show met Emo
Beste leefstylprogram:
Melanie Tait – DEKATv
Beste werklikheidsreeks:
Jaco Loubser – Kokkedoor 2
Beste aanbieder in ’n vermaaklikheids-, leefstylprogram of werklikheidsreeks:
Emo Adams – Jou show met Emo
Opkomende joernalis van die jaar:
Anmi Honiball
Waar kom Draadloos en Radio Pretoria en hul aanbieders ter sprake?