Die eerste seisoen van The Bachelorette SA, met Qiniso van Damme in die hoofrol, het Donderdagaand afgeskop.
Qiniso het in dié episode 15 hubare mans ontmoet wat in die volgende paar weke gaan meeding om haar hart. Aan die einde van die proses sal slegs een man oorbly wat Qiniso se hart gesteel het.
Hier is die mans wat vanjaar aan The Bachelorette deelneem:
Lunga Kupiso is ʼn 30-jarige konsultant by ʼn regeringsorganisasie. Sy tyd is verdeel tussen Johannesburg en Ethiopië, maar hy kom oorspronklik van Idutywa in die Oos-Kaap af.
Dylan Heneck (29) is ʼn musikant van Kaapstad. Hy is in die VSA gebore, maar woon al sedert 2006 (toe hy 14 was) in Suid-Afrika. Hy het ʼn graad in sakestudies.
Marc Coetzee (41) van Johannesburg is ʼn entrepreneur, lewensafrigter en pa van twee tienerseuns.
Franco Basson is ʼn 26-jarige finansiële konsultant van Johannesburg.
Ruan Meyer (26) besit sy eie konstruksiemaatskappy en is ʼn deeltydse argitektuurstudent. Hy kom oorspronklik van Bloemfontein, maar woon nou in Pretoria.
Aviwe Mahlakatha (25) kom oorspronklik van die Oos-Kaap, maar woon nou in Johannesburg. Hy is ʼn radio-vervaardiger, videoredigeerder en model.
Henk “Swazi” Nel (28) kom oorspronklik van Kaapstad af, maar het vir agt jaar in Swaziland gewoon, wat hom sy bynaam gee. Hy besit sy eie krieketskool na ʼn suksesvolle krieketloopbaan.
Vuyani Mashego is ʼn 28-jarige atleet van Johannesburg.
Keelan McManus is 26 en hou daarvan om tyd buite deur te bring. Hy kom van Kaapstad af.
Ten Naidu (36) is ʼn Durbaniet wat nege jaar lank reg oor die wêreld gereis het en 90 lande besoek het. Hy het onlangs teruggekeer na Suid-Afrika om liefde te vind waar hy grootgeword het. Hy is ʼn gekwalifiseerde onderwyser en doen modelwerk in die buiteland.
Peter Roos (27) werk in finansies en woon in Johannesburg.
Justin Lakey is ʼn 26-jarige atleet van Johannesburg.
Bradley Newton (29) van Johannesburg werk in die bank-en-versekeringsbedryf. Hy is ook ʼn atleet en opgeleide hip-hop-danser.
Kyran Wright (32) is ʼn pa van Kaapstad wat tans weer studeer om te sorg vir sy jong kind.
Kganya Rapoo (23) kom van Johannesburg en is tans besig met sy klerkskap om ʼn rekeningkundige te word. Terselfdertyd is hy ʼn dosent en ook besig met sy meestersgraad.
‘n Man behoort homself nooit so te verneder nie. Shame.
Kganya pas perfek by die dame. Kom ons hou dop.