Foto’s: Vroue wys staal met trekkerry, skape vang in ‘BSV’

Boer Nelis van die Vaal Marina in Gauteng klink ‘n glasie saam met Margot, Esmérelda en Steffeni. (Foto: Verskaf)

Nadat die boere- en vrouedeelnemers aan die 14de seisoen van die kykNET-maatsoekreeks Boer soek ‘n vrou flikkers vir mekaar gegooi het in die vorige twee episodes, het elke boer se gekose drie vroue uiteindelik op die onderskeie plase aangekom.

Boere Tyson, Nelis, Willem, Johan en Petré het elkeen gesorg dat die vroue met die intrapslag behoorlik bederf word. Nie net het elke boer gesorg vir ʼn stel pantoffels, reënstewels of egte leervellies vir elke vrou nie, maar het elkeen van hulle ook ʼn skattige sagte speelding en ʼn hele mandjie vol velsorgprodukte gekry om hulle te laat welkom voel op die plaas.

Die vroue het ook op die onderskeie plase die geleentheid gekry om die boere beter te leer ken. Tyson, Nelis, Johan en Petré het die vroue touwys gemaak in die kuns van trekkerbestuur en plantmasjien ry terwyl Willem gekyk het wat in sy vroue steek deur hulle te laat skape vang.

Ná ʼn lang eerste dag op die plaas het die vroue saam met die boere in die kombuis gewerskaf en kosgemaak.

Die boere is egter nog geheimsinnig oor hulle gevoelens vir die vroue en hulle is dit eens dat daar nog nie ʼn enkele vrou is wat vir hulle uitstaan nie.

“Hulle is almal vir my oulik en ek vind hulle almal aantreklik,” het Johan met ʼn vonkel in die oog gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

1 Kommentaar

jongste oudste gewildste
AmY

Ek geniet nog altyd BSV.