Gewilde kindervertoning eersdaags in Johannesburg

Ninja Turtles (Foto: Nickelodeon)

NickFest Live, die gewilde kindervertoning aangebied deur die kindertelevisiekanaal Nickelodeon, sal eersdaags weer in Johannesburg op die verhoog te sien wees.

Dié geleentheid, waarvan sommige van Nickelodeon se gunsteling-karakters asook plaaslike kunstenaars, spesiale gaste, komediante, dansgroepe en platejoggies deel sal wees, word op 6 en 7 Julie in die Ticket Pro Dome in Johannesburg aangebied.

“Ons Nickelodeon-handelsmerk is ingestel op familiepret,” het Alex Okosi, uitvoerende vise-president en besturende direkteur van Viacom International Media Networks, gesê.

“Ons en ons vennote is opgewonde om ons Suid-Afrikaanse gehore die geleentheid te kan gee om hul gunsteling-karakters te sien.”

Vir meer inligting besoek www.ticketpros.co.za. Nickelodeon is te sien op DStv-kanaal 305.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.