Goeie nuus vir ‘The Voice SA’-aanhangers

Beoordelaars van The Voice SA

Die beoordelaars van The Voice SA (Foto: Verskaf)

kykNET het Maandagoggend goeie nuus aangekondig vir laatslapers wat die eerste reeks van die gewilde Suid-Afrikaanse The Voice-sangkompetisie misgeloop het.

Dié reeks word van 6 Junie om 20:30 weer uitgesaai op kykNET NOU, DStv kanaal 146.

Maryke Allers, kykNET se mediabestuurder, sê The Voice SA was die aansteeklikste plaaslike weergawe van ’n werklikheidsprogram nóg. Dié program het sy oorsprong in The Voice of Holland gehad.

The Voice was ʼn treffer in die VSA, Australië en Engeland waar bekendes soos Adam Levine, Blake Sheldon, Christina Aguilera, Shakira, Pharrell Williams, Kylie Minogue en Ricky Martin in die ikoniese rooi stoele ingeskuif het.

“Die plaaslike weergawe van The Voice is aangebied deur die sjarmante TV-persoonlikheid Lungile Radu en die spitsvondige radio-omroeper Stacey Norman. Die afrigters was Karen Zoid, Kahn Morbee, Lira en Bobby van Jaarsveld. Of kykers nou vir #TeamKaren, #TeamKahn, #TeamLira of #TeamBobby ondersteun het, die reaksie op sosiale media het duidelik laat blyk dat al vier afrigters saam gesorg het vir topvermaak,” het sy gesê.

Dié reeks het ook verskeie inspirerende musieklegendes as gaste op die verhoog verwelkom, onder wie die Grammy-wenners Ladysmith Black Mambazo.

“Hoewel die reeks verby is, is die opwinding nog lank nie verby nie: binne 48 uur ná die uitreiking van die eerste The Voice SA-album asook enkelsnitte van die 13 top-deelnemers, het die sangtalent van dié kompetisie koning gekraai op die Suid-Afrikaanse iTunes-treffersparade – sowel op die album- as enkelsnit-trefferslyste,” het Allers bygevoeg.

Universal Music het intussen ook aangedui hulle wil opnamekontrakte aanbied aan tien Voice-deelnemers. Dit volg nadat twee van die agt top-deelnemers, Zoë Modiga en Thembeka Mnguni, reeds by Universal geteken het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

6 Kommentare

Justice ·

The Voice SA moet liewers die miljoene rande wat ons spandeer het aan stemme en nooit gebruik het nie terug betaal. Hulle het van so goeie show so swak laat eindig!!

Willem Bronkhorst ·

My siening is weer dat hulle deur iemand (soos die snertpolisie) ‘n boete moet opgelê word dat hulle ooit sulke snert begin het.

Willem Bronkhorst ·

Ek dink weer dat hulle deur iemand (soos die snertpolisie) ‘n boete behoort opgelê te word dat hulle ooit sulke snert begin het.

Wipgat ·

The Voice SA is net n groot klug spel. Daar is hoeveel keer deelnemers wat amazing gesing het, dan word hul huistoe gestuur, en almal stem dat die persoon wat huistoe is nog moes gebly het. Die paar keer wat ek gekyk het het dit gebeur. Heeltemal belangstelling verloor, so dit is nie iets wat ek weer sal wil kyk nie.

Alicia ·

The Voice SA was super cool! Ek kon nie wag vir Sondag nie. 100 keer beter as idols. Wanneer kom die tweede een ?

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.