M-Net skuif ‘Lucifer’-reeks ná klagtes

Die rolverdeling van 'Lucifer'. Foto: Facebook via M-Net

Die rolverdeling van ‘Lucifer’. Foto: Facebook via M-Net

M-Net het gehoor gegee aan kykers se klagtes dat die televisiereeks Lucifer van té sensitiewe aard is om in die tydgleuf tussen 19:00 en 23:00 te vertoon.

Aanhangers van dié reeks kan verwag om dit voortaan Vrydae om 23:00 op die M-Net-televisiekanaal te sien. Die ouderdomsbeperking van die reeks word ook verhoog na 16.

Lucifer is ʼn fantasiereeks wat gegrond is op ʼn strokiesprentboek. Die storie handel oor Lucifer Morningstar wat sy troon as koning in die hel prysgee om in Los Angeles te woon vir ʼn opwindender avontuur.

“Weens die sensitiewe aard van die inhoud van die reeks, het M-Net besluit dit is beter om die reeks laataand te vertoon,” het Gideon Khobane, direkteur vir M-Net en die M-Net reeks-kanaal, gesê. “Hoewel M-Net graag uitdagende en ongewone reekse vertoon wat hoog aangeskrewe is, het ons besluit die inhoud pas nie by die oorspronklike tydgleuf nie.”

Kykers kan voortaan verwag om Woensdae om 19:00 die televisiereeks Unforgettable (Seisoen 4) en Show me a Hero in die ou tydgleuf te sien.

Besoek M-Net se webwerf.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

23 Kommentare

Christo Visagie ·

As Christen kan ek nie anders as om so ‘n program te veroordeel nie, hoekom Satan in enige vorm te verheerlik. Die bose kom gewoonlik in die mooiste gewaad om sy KWAAD te verbloem.

Maddox ·

Christo,
Dit is alles deel van die nuwe wereld orde se doelstellings. Alle gelowe moet vernietig word en net satanisme sal toegelaat word om beoefen te word. Die Bybel is ook heel duidelik hieroor.
Hulle doen dit so stukkie vir stukkie, sodat mense geleidelik daaraan gewoond kan raak. Hoekom in die eerste plek so ‘n reeks vervaardig , as daar nie verskuilde motiewe agter dit sit nie?

Dee ·

Indien dit gedoen word omdat kykers daarop aandring is dit ‘n blatante leuen om te sê dat Mnet so besluit het weens die ‘sensiwiteit’ daarvan. En soos Christo en Maddox sê is daar verskuilde motiewe om sulke gemors enigsins uit te saai.

anti nuwe stydsgleuf ·

Hoekom die tye verander? Haal dit AF ! Dis ONAANVAARBAAR !!! Dis teen ons Christene se geloof. Die link sal aangestuur word.

SkarrelKind ·

Waarom verander jy nie net eerder van kanaal nie, want ek wil dit kyk? Nou omdat dit sommige se geloof aantas mag niemand dit sien nie? Dis mos nou nonsens en die beginsel maak nie werklik sin nie, maar omdat geloof hier in gedrang is, dink niemand logies nie.

Yvonne ·

Ek stem .Dit is skoķkend hoe die duiwel stil stil in ons alledaagse bestaan insluip totdat ons dit net as normaal aanvaar. Ons moet waaksaam wees! Vir m net kan ek net se : ek sak my kop in skaamte , sal julle defnitief nie ondersteun nie. Haal eerder die program in geheel af!

Spikkel ·

Het Dstv ingeheel gekanselleer. Sal hulle nie verder ondersteun nie. Ons as familie het soveel meer tyd saam . Beste ding wat ons in lang tyd gedoen het. Mis dit glad nie, net Carte Blanch.

Kobus ·

met rassisme en satanisme is m net besig om sleg agter uit te gaan, is daar n manier hoe iemand kan help om n petisielys op te trek wat aan m net oorhandig kan word, ek is ongelukkig te dom vir so iets. Dis n skande, m net, want jul gee die satan n plek in almal se huise, gelukkig sien ons groot God hierdie dinge en bly Hy in beheer

Dries ·

Stop jou m-net subskripsie kry beginsels .O ja maroela ,my vorige kommentaar was niks mee fout nie ,hoekom dit nie plaas nie ?

Sune van Heerden ·

Dagsê Dries

Dankie vir jou navraag. Ons kry egter nie enige vorige kommentaar van jou op hierdie berig wat goedgekeur of afgekeur is nie. Daar het moontlik ‘n tegniese fout ingesluip terwyl jy probeer het om kommentaar te lewer. Jammer vir die ongerief!

Groetnis
Suné
nms Maroela Media

Jenny Thom ·

Dit is net nou dat alles so oop en bloot gewys word. Dit het al jare gelede begin met kinderprogramme vroeg middag. Al die rekenaar speletjies het altyd goeie en slegte “geeste” wat jy kan roep om te help. Ons lewe verseker in die laaste dae waar Lucifer openlik ge-eer word. Hy word 24 uur ‘n dag aanbid. Wat doen jy en ek as gelowige, hoeveel tyd op ‘n dag spandeer ons met ons ABBA Vader in gebed, of om net met Hom te kommunikeer? Ons sal dit nooit kan stop nie, daar is te sterk magte wat daar in beheer is. Solank ons net ons oe gevestig hou op Hom, ons Koning, Verlosser, Skepper en ABBA Vader. Hy is so ‘n “gentleman” wat jou nooit sal dwing of jou arm draai om Hom te kies nie. Daarom het ieder en elk van ons ‘n “wil” om self te kies. Jy en jy alleen is vir jou keuses verantwoordelik. Shalom, heerlik geseende naweek vir julle. Ek kan nie meer wag vir die dag/nag wanneer Hy Sy handjievol suiwer kinders kom haal nie. Daar gaan ongelukkig nog baie water in die see loop en dinge gaan nog baie vererger, oe gevestig alleenlik op Hom, ons ENIGSTE REDDING!! Hy wie jou onvoorwaardelik lief het. Hy het vir jou en my geskape tot Sy eer en plesier. Wat ‘n voorreg om hom te bemin met jou hele hart, jou hele siel, jou hele verstand en al jou kragte. Van jou koppie tot jou tone wil Hy jou net vir Homself he!! Awesome gedagte dat Hy Hom so met ons bemoei, en ons nooit ooit sal opgee nie.

SkarrelKind ·

Jenny – ek wil graag weet watter kinderprogramme jare gelede? Want ek het Liewe Heksie en Oscar en Die PowerRangers en He-Man – Master of the Universe gekyk en ek is nié ‘n Satanis nie. Dalk het ek ander programme gemis? Sal graag wil hoor asb, want jou stelling is woes en klink vir my ongegrond.

Chris ·

Het enige van julle al die 2 episodes gekyk?? Dit gaan oor lucifer wat n vakansie neem, hy red selfs n vrou se lewe. Hy wil eintlik goed doen. dit bly op die ou end jou keuse om dit te kyk of nie.

Johan ·

Alles goed en wel, daar is soveel ‘duiwelse’ goed op TV, as n mens alles moet afhaal wat duiwelse goed behels gaan jy sport kyk en tog is vryheid van geloof in sport ook daar. Een of meer as een van daai manne kan satans aanbidders wees, so dan ondersteun jy ook satan se speletjies. Die reeks is eintlik goed geskryf. Nog net die eerste eps. Gekyk. Wag nog om te sien of die reeks goed gaan aangaan. As jy nie daarvan hou nie moet dit nie kyk nie. Die is n gesprek wat vir dae kan aanhou. On Christelike beeld materiaal is daagliks oorals, TV, musiek tot in jou koerant. “If it entertains you, enjoy it, if not dont watch.
maar n reeks gaan nie n gelowige draai na satanisme nie. n Gelowige sal net nie kyk nie.

Lalie ·

Dankie tog Chris & Johan dat julle oop-kop hierna kyk. Dalk kan van die gelowiges wat hier kommentaar lewer vir my verduidelik ….. waarom laat God toe dat sulke reekse vervaardig word??? Kan Hy dit nie met sy almagtigheid keer nie?? Het God julle nie gesonde verstand gegun om te onderskei tussen goed en sleg nie??? Christene vinnig om te oordeel, wanneer
dit hulle pas…..

SkarrelKind ·

Lalie – jy vat die woorde uit my mond uit! Mooi gestel – ek wou ook weet ….

Kobus ·

As jul die Bybel ken, sal jul sien dat Jesus die Morester genoem word, hul stel dus satan gelyk met Jesus, verder se die Woord dat satan gekom het om te steel en te moor, nie om lewens te red nie, en jul vra tereg hoekom God dit toelaat? Hoekom het God die sondeval toegelaat? Hoekom al die moord, diefstsal, korrupsie ens, ens , onthou dat jy vrye keuse het, en dat dit sekerlik nie God se wil is om die satan as n hero uit te maak nie, maar dat dit in die mens se wil is. Sal jy daarvan hou as jy in jou kind se kamer instap en hy sluit sy gebed vir satan af voor hy slaap ? Ons as volwassenes weet (hopelik) waaroor dit gaan, maar vir n kind word satan n hero. Ek val niemand aan nie, ek doen net wat die Woord se en verkondig die waarheid, ek hoop en glo dat God jul oe sal oopmaak, onthou dat almal die ewige lewe ontvang, dit bly jou keuse waar jy dit gaan spandeer, nie God s’n nie. Onthou God is lief vir jou en Jesus het gesterf vir jou, nie satan nie, ek bly bid vir julle in liefde

Sarel Strydom ·

Volgens my is hierdie reeks teenstrydig met die sg. ooreenkoms wat uitsaaiers aangaan en behoort in sy geheel geskraap te word.

Lorraine ·

Askuus dat ek vra, maar wat oortree hulle in die ooreenkoms wat uitsaaiers aangaan? Ek is net baie nuuskierig om te weet. Ek sien nie dat hulle enige iets oortree nie. Tensy jy vir my verkeerd kan bewys

Johan ·

Kobus ek verstaan jou punt 100%. Dus is dit nie iets wat ek vir kinders sal laat kyk nie, maar ouers laat hulle kinders toe om die grusaamste goed saam hulle kyk. Daar is n rede vir ouderdom beperkings en elke groot mens behoor mos hulle gesonde verstand te kan gebruik. Ek weet van n paar mense wat hulle kinders Walking Dead laat saam kyk. Dis ook nie aanvaarbaar nie maar ja

Lorraine ·

Ek moet se dat ek nogals die reeks werklik geniet. Dit maak nie van my ‘n slegte mens nie. As ‘n persoon dit nie wil kyk nie, verander die kanaal. Onthou net, daar gaan altyd mense wees wat nie van die program gaan hou nie, maar daar sal ook altyd mense wees wat daarvan sal hou… Dis vir elke persoon se persoonlike smaak. Ek sal nou wel nie ‘n episode mis nie. Ek dink elke persoon moet onthou dat niemand hulle dwing om die program te kyk nie en dat hulle self kan kies of hulle dit wil kyk of nie. DSTV moet ALLE verbruikers in gedagte hou en nie net een party nie. Wat ons ook moet onthou is dat SA diverse kulture en gelowe het en dat elke liewe een in ag geneem moet word…

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.