Paul C. Venter se Vlug na Egipte op die kassie te sien

Rolanda Marais is te sien in die nuwe televisiereeks Vlug na Egipte. Foto: Verskaf

Rolanda Marais is te sien in die nuwe televisiereeks Vlug na Egipte. Foto: Verskaf

Paul C. Venter, bekend vir immergewilde televisiereekse soos Konings, Torings en Arende, se splinternuwe dramareeks Vlug na Egipte begin vanaand op kykNET.

Dié storie speel af op ʼn tipiese Karoo-dorpie genaamd Breipaal en vertel die storie van die Haasbroek-gesin van Pretoria – die nuwe intrekkers (“Inkommers”) in die dorp. Hulle het aanvanklik net een doel voor oë: Om weg te kom uit Pretoria, weg van die nasleep van ʼn hewig-traumatiese ervaring. Getrou aan die hedendaagse neiging glo hulle dis op die platteland waar hulle rus vir hulle siel sal kry. Hulle vlug uit die stad se geroesemoes byna soos Josef, Maria en die Kind van chaos af weggevlug het Egipte toe. Dit word as ‘t ware die Haasbroeke se Vlug na Egipte, ook na analogie van Rembrandt se gelyknamige skildery (wat ʼn eksentrieke inwoner met verf en kwas maar taamlik vrotterig probeer nadoen).

Marcel Schoeman, Leandie du Randt, Rolanda Marais, Marion Holm, Louis van Niekerk, Eric Nobs en Richard van der Westhuizen is slegs ʼn paar van die akteurs wat in die reeks van 13 episodes te sien is.

Vlug na Egipte is vanaf 13 Januarie om 20:30 op kykNET (kanaal 144 op DStv) te sien.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

38 Kommentare

jongste oudste gewildste
Illa

Het gisteraand die eerste episode gekyk en my nuuskierigheid is geprikkel. Nes ‘n wafferse karooliet sien ek uit daarna om die skinderstories oor almal se verledes te hoor! Ek bekommer my al klaar oor wat die donkie-taxi eienaar en klinieksuster in die mou voer. Ek het saam met Rooikappie ‘n traan weggepik en ai man, ek weet sommer – hierdie gaan ‘n lekker storie wees! Dankie Paul C Venter, ek sien uit na my weeklikse ontmoeting met die mense op die Paal.

mauritz

Hoe kan ek volledige snitte van veral die koor musiek wat aan di einde van elke episode gespeel word, bekom asb…
Bel my by 0721521224

Frikkie Erasmus

Ek sou graag die naam van die liedjie aan die einde van die episode van 10 Mei wou kry asook wie dit sing . Sou dit moontlik wees om dit op te spoor op Youtube ? Puik ontspannings reeks . Dankie ek geniet dit BAIE .

PERCY STEVENS

Is die musiek al beskikbaar van veral die Hanover Gemeensskaps koor

Chantelle

Op die einde van Episode 9 sing n koor n baie snaakse liedjie van “die Here kom maar daar is niemand by die huis” waar kan ek hom kry?