Met Maroela Media en kykNET se sepiegids kan jy nou weekliks ʼn voorsmakie kry van die gebeure in jou gunstelingsepie.
‘Suidooster’ se Nazeem. (Foto: Skermgreep)
Binnelanders
Weeksdae om 19:30 op kykNET
Maandag 29 November
Steve deel Tracy se geldinsamelingsidees met Ruan, en Ilse is terug in Pretoria. Tertius deel vertroulike inligting met Annelize.
Dinsdag 30 November
ʼn Amniosintese gaan nie sonder drama gebeur nie. Steve laat weet Tracy dat Ruan gereed is om met haar te praat, en Delia het ʼn besluit geneem oor die werk wat voorlê.
Woensdag 1 Desember
Toetsuitslae kan die hele wêreld op sy kop keer, terwyl Delia se eerlike antwoord op Rian se vraag skokgolwe deur die gange gaan stuur. Ilse sit met die hande in die hare.
Donderdag 2 Desember
Ilse dink na oor die betekenis van Tonik, en Delia moedig onwetend vir Rian aan om sy hart se donkerste hoeke te ondersoek. Naomi haal haar slegte bui op almal uit.
Vrydag 3 Desember
Chanel sien iets wat sy nie moet nie. ʼn Bekentenis word met opgeboude emosies begroet, en Louis het ʼn oplossing vir Ilse se probleem. Gaby verdedig dalk die verkeerde persoon in ʼn krisis.
Suidooster
Weeksdae om 18:30 op kykNET en kykNET&kie
Maandag 29 November
Bridgette is oorweldig deur Donovan se dade, terwyl Susan met haar en Justin se geheim worstel. Die wedywering tussen Kate en Mrs J vat behoorlik vlam…
Dinsdag 30 November
Bridgette kry die familie bymekaar vir ’n groot aankondiging. Susan wil dinge beëindig met Justin, terwyl die kompetisie vir die vasvra toeneem.
Woensdag 1 Desember
Zoe probeer vrede maak met Bridgette, en Nazeem bereik ’n nuwe laagtepunt. Ty wil sy spanmaats oortuig om met die kerk se vasvra te kul, terwyl Justin en Susan ’n geheime afspraak beplan.
Donderdag 2 Desember
Susan sukkel om twee lewens te lei. Mrs J en Kate kompeteer steeds, terwyl Zoe aanhou snuffel om vir Donovan uit te vang.
Vrydag 3 Desember
Dis tyd om basaar te hou en die dag is vol verrassings. Zoe en Donovan stamp koppe, terwyl Susan spook om Justin en Elana gelukkig te hou.
Getroud met Rugby
Weeksdae om 18:00 op kykNET
Maandag 29 November
Almal bied hul ondersteuning aan Ivy. Meyer oorweeg om by Bibi’s te bedank. Koekie en Festus het nuwe planne om geld te maak.
Dinsdag 30 November
Koekie is op ’n missie om die pêrels terug te koop. Lulu en Nico neem hulle verhouding na die volgende vlak. Meyer aanvaar Liam se aanbod.
Woensdag 1 Desember
Renate het nog ’n woedeuitbarsting. Ivy en Jana gaan voort met die artikel. Koekie en Festus skarrel om genoeg geld bymekaar te kry.
Donderdag 2 Desember
Koekie en Festus ontvang nuus oor die pêrels. SinBin publiseer ’n artikel oor Ivy. Simon het ’n afspraak met Renate.
Vrydag 3 Desember
’n Ongemaklikheid heers by die Stryders weens Jana se artikel. Simon roep Virginia se hulp in met Regardt. Liam ontvang slegte nuus oor sy onderneming.
Arendsvlei
Maandag tot Donderdag om 19:30 op kykNET&kie
Maandag 29 November
Beatrice kla teenoor Gertie dat sy gefrustreerd is met Thys se onverantwoordelike gedrag. Debra lieg vir Lorenzo dat sy en Langes uitgemaak het.
Dinsdag 30 November
Bompie stuur sy spioen uit om Langes se storie te bevestig. Janice probeer orde in haar huis skep en Lennie en Ingrid is optimisties oor die toekoms.
Woensdag 1 Desember
Janice het haar hande vol met Thys en Lionel se nuwe leefstyl by haar huis. Bianca maak ’n onverwagse aankondiging. Ayesha oorweeg dit om uit te trek.
Donderdag 2 Desember
Langes moet ’n opdrag van Mario uitvoer, maar sal sy gewete dit toelaat? Lionel en Janice sit vas oor sy betrokkenheid by die boksklub.
Interessante week wat voorlê.
Gee sommer ‘n voorsmakie van die volgende 3 maande. Behoort net so 10 reels te wees……..