Met Maroela Media en kykNET se sepiegids kan jy nou weekliks ʼn voorsmakie kry van die gebeure in jou gunstelingsepie.
Elsabé Zietsman as Magda, Pottie se bekommerde vrou, in ‘Getroud met rugby’. (Foto: Skermgreep)
Binnelanders
Weekdae om 19:30 op kykNET
Maandag 7 Maart
Conrad en Tracy se kuiertjie word ʼn spanwerkgeleentheid. Tertius probeer Annelize betrek by ʼn familiegeleentheid, en Martin konfronteer vir Chanel oor haar gedrag.
Dinsdag 8 Maart
Familie word ʼn twispunt, en Naomi dink Louis moet met Delia praat oor sosiale media. Chanel en Martin kry ʼn geleentheid om die lug te suiwer.
Woensdag 9 Maart
Martin bied die tuinwoonstel aan as ʼn toevlugsoord, terwyl Hugo van Martin se planne hoor. Annelize moet noodgedwonge nog ʼn uitnodiging rig, en Rian wil weer toetse laat doen.
Donderdag 10 Maart
Chanel voel skielik die druk oor Martin se ware intensies, terwyl Martin nie iemand is wat maklik afgeskrik word nie. Tracy dink sy weet presies wat met Conrad aan die gang is.
Vrydag 11 Maart
Die verpleegsters is opgewonde oor ʼn kursus, terwyl Tertius ʼn waarskuwing rig aan Annelize se oor haar veglus. Binneland Kliniek haal die koerante, en Louis voel oorweldig.
Suidooster
Weekdae om 18:30 op kykNET en kykNET&kie
Maandag 7 Maart
Samantha onthul iets skokkends aan Justin, terwyl Mymoena sukkel om ’n werkende ouma te wees. Yasmeen vermoed Kaashifa steek iets weg en Bennie is vies oor die talentkompetisie.
Dinsdag 8 Maart
Tim probeer keer dat Mymoena bedank, maar Bridgette verwelkom dit. Susan is terug en dring aan om met Samantha te praat, terwyl Yasmeen rooi sien.
Woensdag 9 Maart
Samantha beraam ’n nuwe, donker plan vir haar en Justin. Nazeem konfronteer Tim oor verwikkelinge by JPD, terwyl Rhafiek ’n moeilike besluit neem.
Donderdag 10 Maart
Yasmeen en Rhafiek se verhouding kom by ’n vurk in die pad, en sake loop al weer skeef vir Mymoena by JPD. Intussen is Justin in ʼn benarde posisie.
Vrydag 11 Maart
Daar blyk min opsies te wees vir Justin, terwyl Mymoena ’n kans waag en daarvoor beloon word. Siya gee vir Rhafiek stof tot nadenke.
Getroud met Rugby
Weeksdae om 18:00 op kykNET
Maandag 7 Maart
Bibi ontmoet vir Ashton. Jana maak ’n konneksie tussen Amanda en Pine se aanvaller. Buks en Nesie moet vir Petro terugneem na haar ma toe.
Dinsdag 8 Maart
Lulu en Simon neem ’n belangrike besluit. Petro is woedend vir haar ma. Kristien probeer uitvind waarmee Amanda vir Schalk afpers.
Woensdag 9 Maart
Dis ’n groot dag vir Simon en Lulu. Pine probeer om inligting by Matt te koop. Ryno en Blitz begrawe die strydbyl.
Donderdag 10 Maart
Amanda druk vir Schalk in ’n hoek. Almal is opgewonde oor Simon en Lulu se groot nuus. Buks en Nesie is bekommerd oor Petro.
Vrydag 11 Maart
Pottie verdwyn. Die skrif is aan die muur vir Ryno en Ashton. Jana besluit om in te gryp tussen Kristien en Schalk.
Arendsvlei
Maandag tot Donderdag om 19:30 op kykNET&kie
Maandag 7 Maart
Thys vaar uit teenoor Lionel oor Gertie se testament. Daniel is desperaat om Angel in die hande te kry. Jo-Ann, van Die Arendsvleier, stel ’n ontstellende versoek aan Ayesha.
Dinsdag 8 Maart
Die spanning tussen Beatrice en Thys raak al erger. Janice en Lionel sukkel om mekaar te vind in hul verhouding terwyl Ingrid nog steeds besig is met haar slinkse plan.
Woensdag 9 Maart
Sam wil dinge regmaak tussen Thys en Beatrice. Angel probeer aan beweeg met haar lewe en Lionel het geen idee hoe om vir Janice terug te wen nie.
Donderdag 10 Maart
Lionel maak ’n onverwagse aankondiging wat vir Janice heeltemal ontkant vang. Ruby sukkel om aan te pas by haar nuwe omstandige. Beatrice dreig om uit haar eie huis te trek.
