“Ek moes een Oukersaand, al die pad Suid-Afrika toe op ʼn bus terug van Namibië, na Boney M se Kersmusiek luister. Nou nog, wanneer ek dit hoor, slaan ek in ʼn koue sweet uit,” skerts Pedro Kruger.
Daar is geen perke aan Pedro se talente nie. Hy hou nie net sy lyf musikant, storieverteller en verhoogakteur nie, maar was ook te sien in kykNET se televisiereekse Liefste Kayla en Die Boland Moorde. Hy is ook bekend vir sy rol in Proesstraat.
Al jou gunsteling Suid-Afrikaanse bekendes gaan jou tussen 1 en 24 Desember hier op Maroela Media ʼn geseënde Kersfees kom toewens, ter ondersteuning van die Teaterbystandsfonds. Hou ons dop!