Marco Spaumer. Foto: Facebook
“Ek wil nie geld as Kersgeskenk hê nie,” sê Marco Spaumer, wat die rol van Tim vertolk in die nuwe kykNET-sepie Suidooster.
“Dit hoef nie die duurste geskenk te wees nie, solank dit in ʼn pakkie kom of toegedraai is,” verduidelik hy. “Dis die moeite en liefde wat in ʼn pakkie ingaan wat ek graag wil hê.”
Cedwyn Joel vertolk teenoor Marco die rol van AB Samsodien. Wat wil hy nié die jaar in sy Kerskous kry nie? “Net nie ‘aftershave’ nie, asseblief,” lag hy.
Suidooster is die eerste Afrikaanse sepie wat nie net in die Kaap afspeel nie, maar ook daar verfilm is.
Verskeie Suid-Afrikaanse bekendes gaan jou tot 24 Desember hier op Maroela Media ʼn geseënde Kersfees kom toewens, ter ondersteuning van die Teaterbystandsfonds. Hou ons dop!
Kliek gerus hier om die Teaterbystandsfonds te steun.
