Die gewilde rock-sangeres en presidentsvrou van die Republiek van Zoid Afrika, Karen Zoid, het Dinsdag hulde aan Johannes Kerkorrel gebring toe sy en die oorblywende lede van die Gereformeerde Blues Band, een van Kerkorrel grootste treffers, “Ons ry ’n BMW”, gesing het.
Die veteraanakteur, Tobie Cronjé, was die ander gas in die sesde episode van die vierde reeks van dié gewilde kletsprogram.
Ander musiekhoogtepunte uit die huidige reeks se musiektreffers sluit in “What he means”, “Boetebessie Briek Dans”, “Timbaktu”, “Vloek van die Kitaar/Thunderstruck” en “Jy soen my nie meer nie”.
“Ons ry ’n BMW” is beskikbaar op iTunes.
Die Republiek van Zoid Afrika word Dinsdae om 20:30 op kykNET, DStv kanaal 144, uitgesaai.