[Video] Zoid en Nicholis Louw maak nóg ʼn treffer

Karen Zoid en Nicholis Louw (Foto: Facebook)

Karen Zoid en Nicholis Louw (Foto: Facebook)

Die Afrikaanse rock-sangeres Karen Zoid het Dinsdag nóg ʼn treffer op haar kerfstok gekry toe sy die liedjie “Teardrop” saam met Nicholis Louw in haar geselsprogram, Republiek van Zoid Afrika, gesing het.

Saam met Nicholis was die gaste op dié program ook die rugbyspeler Kobus Wiese en die bekroonde sjef Jan-Hendrik van der Westhuizen.

Die vierde seisoen van Republiek van Zoid Afrika word tans uitgesaai. Musiekhoogtepunte wat reeds in dié seisoen gehoor is, sluit “What He Means”, “Boetebessie Briek Dans”, “Timbuktu”, “Vloek van die kitaar/Thunderstruck”, “Jy soen my nie meer nie” en “Liefde uit die oudedoos” in.

“Teardrop” is beskikbaar op iTunes.

In die episode van 13 Desember besoek Irna van Zyl en Coenie de Villiers die Republiek.

Republiek van Zoid Afrika word op Dinsdae om 20:30 op kykNET, DStv kanaal 144, uitgesaai.

[fvplayer src=”https://videos.files.wordpress.com/fWBZFRt0/karen-zoid.mp4″ src1=”https://videos.files.wordpress.com/fWBZFRt0/karen-zoid_fmt1.ogv”]

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.