Wat jy nie geweet het van ‘The Bachelor SA’ nie

Die dames wat aan ‘The Bachelor’ deelgeneem het (Foto: Verskaf)

Die eerste seisoen van The Bachelor SA het op Valentynsdag vanjaar afgeskop, en aanhangers sit sedertdien weekliks voor die kassie vasgenael om te sien wie volgende uitgestem gaan word.

Die eerste Suid-Afrikaanse Bachelor, Lee Thompson, het reeds 18 vroue die deur gewys. Daar is tans ses vroue oor, waarvan een aan die einde van die seisoen deur Lee gekies sal word. Die vroue wat nog ʼn kans staan om Lee se hart te wen is Michelle, Nontombi, Jozaan, Gina, Jacqueline en Jenna.

As jy al ooit gewonder het wat agter die skerms van The Bachelor SA aangaan, is jy op die regte plek. Hier is ʼn paar feite omtrent The Bachelor SA wat jy dalk nie geweet het nie:

Lee Thompson (Foto: Verskaf)

  • Daar is tussen 45 en 90 lede in die produksiespan, afhangend van die fase waarin die program is.
  • Tydens afsprake is produksiespanlede verminder sodat die ervaring romanties en intiem kan wees.
  • Verfilming van The Bachelor SA het in November 2018 begin en het in Sandhurst in Johannesburg plaasgevind.
  • Die finale episode is nog nie verfilm nie.
  • Die vroue het ʼn huismoeder, ʼn sjef en professionele skoonmaakdienste gehad tydens verfilming in die Bachelor-huis.
  • Meer as 3 000 vroue het ingeskryf vir die program. Omdat daar so baie inskrywings was, moes die The Bachelor SA-span brieke aandraai met advertering, anders sou die sifting baie lank geduur het omdat slegs 24 vroue op televisie kon verskyn.
  • Die vroue wat uiteindelik gekies het om deel van die top-24 te wees, moes deur talle onderhoude en assesserings gaan voordat hulle gekies is.
  • Die vroue kry ʼn lys van alles wat hulle moet inpak, en hoeveel hulle daarvan moet inpak.
  • The Bachelor (Foto: Verskaf)

    Daar word aan die vroue gesê hoeveel aandrokke hulle vir die roos-seremonies moet saamneem.

  • Die vroue doen hul eie grimering en stilering vir die program.
  • Individuele afsprake is langer as wat kykers op die televisie sien. Dit duur gewoonlik ʼn paar ure lank.
  • Die vroue mag nie die Bachelor-huis verlaat vir die duur van verfilming nie, tensy hulle huis toe gaan omdat hulle nie ʼn roos gekry het nie.
  • Die yskas in die Bachelor-huis word vooraf volgemaak met alles wat die vroue sal mag nodig kry terwyl hulle daar is.
  • Vroue mag nie hul selfone by hulle hê gedurende die program nie, maar mag een maal per week ʼn oproep na familie maak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

10 Kommentare

Bee ·

Nee wat, toe hy Kelly laat gaan het ek ophou kyk! Net omdat sy in ‘n dagboek geloer het van ‘n baie onsmaaklike huismaat!? Ek sou Kelly enigiets vergewe!

Cheryl ·

Ek is mal oor die reeks en dink ons eie SA Batchelor is die aantreklikste! Ek hoop hy kies die regte vrou!

honourable member ·

Geniet die Bachelor vreeslik baie . Hoop Lee maak die regte belsuit.

blom ·

Regtig , wat maak dit saak wie se rokke hier gedra word. Die dames lyk almal mooi – of deal ons weer hier met klom suurknolle?

Blom ·

Thomas, dis jammer dat julle ontwerpers nie meer blootstelling kry nie. Ek het in die een episode opgemerk dat almal se rokke van dieselfde glitter materiaal gemaak is, net die style en kleure het verskil. Ek hoop van harte dat die ontwerpers meer blootstelling sal kry

Anike ·

Jammer hulle is so groot en hulle rokke is nie gebruik nie! Sommige mense lewer net te vinnig kommentaar!!! Wanneer hulle eintlik niks weet!! Dis sy reg dat sy naam genoem word die ander groot “ontwerpers” sou aangedring het dit moes adverteer word. Gee hom sy reg wat hom toekom ek is nie hier om met julle te stry nie, hy verdien net wat hom toekom!!!!

Jessica ·

Ek love The Bachelor – was nog altyd ‘n aanhanger van die USA weergawe.

Sien uit na die volgende episodes en veral die finaal <3

E.K. die eerste ·

Kyk nou hoe stry (en kraak mekaar af !) die ou spul weer oor die wie en wat van die rokke. Verder – niks verkeerd met Pep Stores – hulle vul ‘n gaping in die mark vir mense wat nie by duur plekke (meetsal op skuld in elk geval!) kan bekostig om te koop nie. Ek het al heelparty kere gewone effe t-hemde by Pep gekoop vir tuis dra en dit hou baie langer as Woolies of ander duur plekke s’n. Nie alles wat goedkoop is is noodwendig sleg nie

Annatjie ·

Hy sal Gina kies want sy is reeds famous( model en Reeva Sttenkamp se beste vriendin). Hierdie tipe TV program gaan verseker om maksimum publisiteit. Niks anders nie.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.