14de seun vir dié egpaar

Die gesin voor hul huis in Grand Rapids, Michigan (16 Februarie 2018). Die 18-jarige Brandon is nie op die foto nie. (Foto: Casey Sykes/The Grand Rapids Press via AP)

Hulle was vol verwagting dat dit dalk ʼn dogter gaan wees, maar toe is dit nóg ʼn seun …

Jay en Kateri Schwandt se seun is verlede week Woensdag gebore. Jay sê hulle het besluit om hom “Finley Sheboygan Schwandt” te doop. Hy verduidelik die naam kom uit ʼn verhaal wat sy skoonpa hom vertel het oor ʼn Indiaanse stamhoof wat ook baie seuns gehad het. Hy het vas geglo sy laaste kind sal ʼn dogter wees. Maar toe dié baba ook ʼn seun was, het die stamhoof hom “Sheboygan” gedoop, vir “she is a boy again”.

Jay sê “daar is nie ʼn manier” dat hulle nog ʼn kind sal hê nie, alhoewel hy dit vantevore ook al gesê het.

Die egpaar woon in Rockford, noord van Grand Rapids. Hul oudste seun is in sy 20’s.

Kateri is self een van 14 kinders.

ʼn Dokumentêre fliek oor die gesin sal in Junie deur die Lifetime Network uitgesaai word.

V.l.n.r. die broers Francisco (2), Tucker (4), Luke (6), Charlie (8), Gabe (11), Wesley (9), Calvin (13), Drew (20), Tommy (16) Zach (22), Vinny (15) en Ty Schwandt (25). Brandon (18) is nie op die foto nie. (16 Februarie 2018) (Foto: Casey Sykes/The Grand Rapids Press via AP)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

23 Kommentare

jongste oudste gewildste
Jonah

Julle kan nou maar ophou. Ek kan nie dink wat moet so baie kinders kos nie .. genade, sal hulle almal darem ‘n education kan kry? Stop asb nou!

Amelia

Ek kan verstaan dat mense hou van kinders, baie kinders, genoeg kinders. MAAR wie sorg vir dai baie kinders? Reriggggggg

Gesiggie

Sjoe nee,,,, ken hierdie mense nie iets soos genoeg”’ hoe in vandag se lewe n mens vir meer as een kind kan sorg weet ek nie? dit sou nou nice gewees het as dit n dogter kon wees 13 broers wat haar sou beskerm…,maar lyk my jul is gemaak vir net seuns …. Een groooot familie… en die Ma lyk nog so jonk…

Johann

Om die groot denker Groucho Marx te parafraseer: “Kyk, ek hou baie van my pyp, maar ek haal dit darem so af en toe uit my mond uit. “

humor

Baie maklik. Die man is dalk baie welaf anders sou hy mos nie daarvoor kans gesien het nie. Dit kan wees dat daar n spanpoging ontstaan en dat die oudstes vir die jongeres sorg. Onthou hulle woon nie in SA met al sy geplunder en rooftogte nie en daarby met n belastinglas wat miljoene aan die lewe hou nie. Sonder ons medewete sorg ons dalk vir meer kinders as hierdie egpaar. Goeie voorbeeld Solidariteit ons kan moontlik die groot partye in die toekoms uitstem.