Aanhangers van die mullet, die ikoniese en byna onverklaarbare haarsnit van die 1980’s, het ʼn nuwe held toe ʼn Belg se kort-na-lang lokke as Europa se beste aangewys is by ʼn fees in Frankryk.
Of jy nou daarmee spot of spog, die mullet – die “business in the front, party in the back”-haarstyl – is meer as net ʼn haarstyl vir die 500 mense wat Saterdag die fees in Cheniers, ʼn dorpie in sentraal-Frankryk, bygewoon het.
“Dis ʼn leefstyl; om vir jouself te kan lag,” sê Hubert, wat al die pad van België gereis het waar die eerste nieamptelike Europese Mullet-kampioenskap twee jaar gelede gehou is.
Deelnemers het met hul styl gespog of in rye gaan staan om ʼn haarknip te kry deur professionele stiliste. Organiseerders sê daar sou baie meer mense gewees het as daar nie Covid-19-beperkings was op openbare byeenkomste nie.
Dit wil voorkom of daar ʼn algemene eenstemmigheid heers dat mullets – altans vir mans – op die beste lyk wanneer die persoon ook met treffende wangbaarde, ʼn groot-liga baard of minstens ʼn snor spog.
Dit wil voorkom of die pandemie moontlik die mullet ʼn hupstoot gegee het, omdat mense wêreldwyd van die afsonderingperiode gebruik gemaak het om ʼn nuwe styl te probeer.
“Een van my vriende, het net vir die grap, vir iemand anders, wat bietjie depressief was, gesê hy lyk soos ʼn mulletkop – en dit is hoe ons met die idee vorendag gekom het om ʼn byeenkoms te hou,” sê Johan Detour.
Sowat 100 mense het ingeskryf vir die kompetisie, maar Nicolas Vanderkelen, ʼn Belgiese vragmotorbestuurder, is uiteindelik as koning gekroon. Hy sê hy het al 20 jaar lank ʼn mullet.
Hy volg Gauthier Istin van Frankryk op vir die titel. Istin het gesê hy is bly om die titel oor te dra. “Ek het ʼn paar van my hare in die trofee gesit – ek hoop die volgende kampioen doen dieselfde!”
Daai ou ry ‘n El Camino en sy meisie is 14 jaar oud. Jy weet dit sommer net.
Grapalie!!!!!
En sy vrou versorg sy meisie se baba.
As die Brakpanners geld gehad het om te reis na Europa, het een van hulle beslis die prys eerder losgeslaan.
Ek dink nie hierdie kompetisie was oop vir professionele nie
Amen. Boksburg vergeet nie.
Van Brakpan gepraat, het Brakpan se Tops al ‘n Spar gekry?
Sjoe Francois, dankie, jy het my dag gemaak!!!!! Lanklaas so lekker gelag
Genade
Ons eie parlement sou los hande gewen het. Die kopdoek voelverskrikker is my gunsteling
O nee … nie vir my nie. Daar is min goed wat my laat gril tot in my tone … (1) ‘n snor/bakkebaard bokbaard of volbaard en (2) mans met bors hare wat hier tot by hul kuiltjie vir my lê en koekeloer … (3) mans met oor- of neus hare wat 1cm lank na buite hang en dan (4) mans (of mense) met “mullets”. Eh-eh, ek verkies netjies, skoongeskeerde mans …. uhm, dis nou die dag ás ek na mans (of mense, for that matter) kyk ….
Ai, dan is ons nie ‘n match nie.