Sosialemediagebruikers reken ʼn video van ʼn olifantkalfie wat sy eerste treë gee, is te dierbaar.
Parveen Kaswan, beampte van die bosboudienste in Indië, het dié video op Twitter gedeel. “Die eerste treë van ʼn pasgebore olifantjie. Rukkerig en stadig. Eendag sal hierdie een ʼn 6 000 kg-reus word en met elke tree sal die aarde skud. Dis die lewe.” het Kaswan geskryf.
In nog ʼn video wat Kaswan gedeel het, wys dit hoe die ma haar baba help om weer regop te kom ná hy omgeval het. Sy vou selfs haar slurp om sy lyfie om hom te help om sy balans te kry.
Sosisalemediagebruikers het hul waardering uitgespreek oor die video. “Hoe meer ek van olifante leer, hoe meer is ek verstom oor hul intelligensie. Ek is nou liewer vir hulle en het meer respek vir hulle.”
Nog ʼn persoon skryf: “So oulik, so natuurlik … om lewensvaardighede self te leer! Mensma’s soek allerhande YouTube-video’s om te kyk hoe om jou baba te leer loop.”
“Die oulikste olifantjie! En die natuur is so mooi. Daardie swak beentjies sal binne ʼn paar jaar die aarde verpletter.”
While Mother helping him in taking the weight on those tiny legs. In elephants birth is the most important function for family. pic.twitter.com/iFHHVJoJfL
— Parveen Kaswan, IFS (@ParveenKaswan) March 6, 2020
Klik hier as die video nie direk in jou webblaaier wil speel nie.
So roerend, die wonder van nuwe lewe in die natuur.
Ag dit is te dierbaar.
Te pragtig, Mamma help nogal met slurp haar baba regop hou. Oulike Offie Olifant.
Ag dis so mooi!
Dis te kostlik vir woorde!!!
Ag moeder dis te oulik, siestog!
Pragtig, ons bid dat hy n vol lewe sal lei.