Die dorpie waar tyd stilstaan

Sommarøy (Foto: nordnorge.com)

ʼn Klein vissersdorpie in Noorweë, Sommarøy, het aansoek gedoen by sy regering om die eerste gebied te word wat nie onderworpe is aan enige tydsone nie.

Die vissersdorpie, waar net meer as 300 mense woon, is noord van die Arktiese Sirkel geleë.

Inwoners voer aan hulle maak nie van gewone tydhouding gebruik nie, en as die eiland as ʼn tydsone-vrye gebied verklaar word, sal dit bloot ʼn formele bevestiging wees van dit wat reeds geslagte lank in praktyk uitgevoer word.

Sommarøy is tans in die middel van ʼn 69 dae lange periode wanneer dit permanent dag is, omdat die son nie weer voor 26 Julie sal sak nie. Tussen November en Januarie beleef die eiland weer ʼn lang nag, omdat die son nie opkom nie.

Plaaslike inwoners het geleer om die beste te maak van dié natuurverskynsel en werk dus buite die tradisionele werksure. Kjell Ove Hveding, een van die inwoners, het gesê mense sny gras en kinders speel bal wanneer almal anders sou dink dis “in die middel van die nag”.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
charmaine

Dit klink en lyk lekker rustig daar.

Denise

Baie gelukkige mense kan net heerlik wees om daar te bly!!!!

Sakkie

Die aarde is dan plat, hoe werk dit nou?

Johann cb

Tog té lekker! Jy kan gaan slaap wanneer dit jou pas!

LHS

Daardie lang nag gedeelte, die gesinne is seker redelik groot.