Argieffoto (Foto: Alexas_Fotos/Pixabay)
ʼn Skilpad van 68 kg wat van sy huis in Tennessee in die VSA ontsnap het, is ná 74 dae terugbesorg – en hy het minder as 1,6 km afgelê tydens sy stadige reis.
Solomon het meer as twee maande gelede uit sy hok in Ashland City ontsnap en hy is verlede week 1,2 km daarvandaan gevind, het sy eienaar, Lynn Cole, aan WKRN-TV gesê.
ʼn Man en sy seun het Solomon opgemerk waar hy naby ʼn konstruksieperseel wei en het hom binne minute teruggebring.
Hy het skynbaar nie ver gereis nie, maar Cole sê die ware omvang van die 15 jaar oue skilpad se tog bly ʼn raaisel. “Ek reken ons sal nooit presies weet wat die omvang is van Solomon se avontuur of hoe hy ons so lank ontglip het nie,” het sy gesê. “Dit maak egter nie saak waarheen of hoekom hy ontsnap het nie, ek is net dankbaar dat die man en seun op daardie oomblik daar verbygery en hom opgemerk het. Solomon is nou veilig by die huis – ons is baie bly!”
Cole het gesê Solomon is ʼn geliefde troeteldier wat al sedert sy geboorte by die gesin bly. Die eienaars het gesê hulle gaan ʼn beloning vir die man en sy seun gee.
O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.
2 Kommentare
Los die skilpad hy is op soek soos boer wat vrou soek.
Word ook dors.