Die krokodil en die swembad-noedel

Foto: Victor Perez, Instagram

Hier is een krokodil wat beslis weet hoe om die lewe te geniet!

ʼn Man van Florida het vroeër vandeesmaand gesien hoe ʼn krokodil ʼn kanaal in Key Largo oorsteek – deur van ʼn drywende “pool noodle” gebruik te maak.

“Ek het heel eerste gewonder wat met die persoon gebeur het wat die noedel gebruik het!” het plaaslike inwoner Victor Perez aan Fox News gesê nadat hy die geel swembadspeelding op die kanaal opgemerk het. “Ek weet glad nie hoe hy dit in die hande gekry het nie, maar hy het soos enige tipiese Florida-toeris gelyk!”

Foto’s van die krokodil en sy speelding was ʼn groot treffer op sosiale media nadat Perez dit gedeel het.

Dis steeds nie duidelik waar die krokodil aan die speelding kom nie, maar krokodille is baie slim, veral wanneer hulle met mensgemaakte voorwerpe in aanraking kom.

Foto: Victor Perez

Crock on a float #keylargo #rockemnreelem #floating #keyslife

A post shared by Victor F Perez (@vfpkeys) on

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

6 Kommentare

jongste oudste gewildste
Krok

Alligator (nie krok nie).

Snaaks

Kostlik!

Sê maar net

Op die persoon se Instagram bevestig hy nadat iemand hom vra of dit ‘n krokodil of Alligator is, dat dit ‘n Krokodil is…..

Leser

Ag mense, maak dit tog nou saak of dit ‘n alligator of ‘n krokodil is? Dis nie die punt van die storie nie. Dit is ‘n brokkie vrolike nuus vir ‘n slag!

Francois

Dis skreeusnaaks! Eintlik nogal oulik ook…