Die wêreld se oudste paartjie

Foto: Longhorn Village

ʼn Man en vrou van Texas in die VSA, wat saam 211 jaar oud is, is as die oudste paartjie (gesamentlike ouderdom) wêreldwyd aangewys in die Guinness-wêreldrekordboek.

John Henderson (106) en Charlotte (105) van Travis County vier op 15 Desember hul 80ste huweliksherdenking. Die paartjie het in 1939 aan mekaar ewige trou beloof.

Die geheim van ʼn lang en gelukkige huwelik? “Hou altyd matigheid voor oë en wees beleefd teenoor jou huweliksmaat,” het John aan CNN gesê.

Die paartjie het mekaar in 1934 ontmoet toe hulle aan die Universiteit van Texas studeer het. John was deel van die voetbalspan en Charlotte het onderwys studeer.

John is nou die oudste lewende Universiteit van Texas-voetbalspeler en woon minstens een keer per jaar ʼn wedstryd by – iets wat hy al 84 jaar lank doen.

Hulle is nog gesond en John doen nog daagliks oefeninge.

Die egpaar het in 2009 na Longhorn Village verhuis, ʼn tehuis vir bejaardes.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Maria

Sien bewys!!! Lees mooi hou aan OEFENING doen dit hou vir jong van gees. Like baie gee my moed. Baie geluk huiwelik paartjie min so gelukkig..

Baardman

Voorspoed

boela

Wie het gedink “tot die dood ons skei” gaan so lank vat…

Lou

80 jaar getroud. WOW gee daai man ‘n Bells !!

TB

Die man se vrou het hom seker min moeilikheid gegee. Sulke vrou is skaars. Ek sal nooit 106 haal nie.