Dirty Dancing-roetine loop skeef vir dié paartjie

Foto: Elle Hardy, Twitter

ʼn Paartjie is bewusteloos gelaat toe ʼn dansbeweging uit die bekende 1980’s Dirty Dancing-fliek, wat hulle vir hul troudag wou oefen, skeefgeloop het.

Sharon Price en haar verloofde Andy Price, het die finale dansbeweging uit die fliek in ʼn tuin in Somerset, Engeland, probeer.

Andy (51) het sy bewussyn verloor en het harsingskudding opgedoen. Hy moes ʼn nekstut dra en ook ʼn CT-skandering ondergaan. “Ons was ongeveer 10 meter van mekaar af weg en Sharon het gehardloop en ek het haar heupe gegryp, en die volgende oomblik het ons albei ons bewussyn verloor.”

Andy sê hy het ʼn paar jaar gelede ʼn ligte hartaanval gehad, so die dokters was net “versigtig” met die toetse wat hulle gedoen het.

Die paartjie is ses uur later uit die hospitaal ontslaan.

Die 1987-fliek, met Patrick Swayze en Jennifer Grey, is Sharon (52) se gunstelingfliek. “Ek het dit al oor en oor gekyk. Ons het gedink dit sal bietjie iets anders wees.”

Die paartjie, wat toevallig dieselfde van het, het gesê hulle sal nou aan iets anders moet dink vir hul eerste dans as getroude paartjie.

Lees ook: BBC, Mirror
Hier is die toneel uit die fliek:

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

24 Kommentare

jongste oudste gewildste
A. Mac

Weet nie of ek moet lag of jammer voel vir die twee. Mens moet tog jou liggaam se bou en jou eie fiksheid in ag neem as jy sulke goed wil doen. Wat in die flieks so maklik lyk is nie altyd so in die werklike lewe nie, veral as jy nie lyk soos die akteurs nie. Dink net as hierdie voorval op die onthaal mos gebeur?

Jackie

Hehehehe ????

Jeannette

Ai, hoe verlang ek tog nou nie terug na my jeug nie! “Now ….. I had the time of my life ……” en wyle Patrick Swayze wat menige tiener meisie laat kwyl het van die lus ………….. Ja-nee ek stem, A. Mac – mens moet goed soos liggaamsbou en fiksheid asook fisika en swaartekrag in ag neem as jy súlke truuks wil uithaal ……..

Theresa

Fiksheid, swaartekrag! Rondings – botsings! phew – hul het baie guts gehad, maar toe ontplof die idee tot op die grond. Wil graag die wals voorstel vir die eerste dans…

antie

Dis nou vrek snaaks….ai mense ” stick to your age man”.