Drawwer kom op welpie af

Foto: Politie Stichtse Vecht, Facebook

Uitlanders wat nie seker is hoe dinge in Suid-Afrika lyk nie, wonder soms of die leeus sommer so in die strate rondloop. ʼn Drawwer in Nederland het egter Sondag op só verrassing afgekom.

Volgens die plaaslike polisie het die persoon deur ʼn veld in Utrecht gedraf toe hy op die verlate welpie in ʼn klein hokkie afgekom het. Volgens die polisie is die welpie waarskynlik slegs ʼn paar maande oud.

Die welpie is na die leeustigting in die noorde van Nederland geneem ná ʼn veearts hom ondersoek het.

Plaaslike polisie is nou op soek na enigiemand wat meer inligting oor die welpie het.

Stichting Leeuw het intussen gesê dit gaan goed met die welpie, en hulle het besluit om hom “Remy” te noem. Veeartse sal hom Woensdag weer ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

6 Kommentare

VanAfrika ·

Daar het julle dit nou, nie net in Suid Afrika loop daar leeus in die strate rond nie☺

wolla ·

Die een is darem gehok. Ons leeus hike langs die N1 en sommige soos Sylvester party eers ‘n bietjie op ‘n paar boere se skape voor hy rus kry.

Natuur Mens ·

Ag foeitog wat n dierbare welpie. Wonder hoe hy daar gekom het. Seker iewers skelm ingevoer uit Afrika. Versorg hom asb mooi en hou ons op hoogte van enige verdere nuus oor die dierbare welpie.

Kokkie ·

Dis darem baie snaaks dat die vonds van die welpie die wêreld oor gaan maar hier in Holland hoor of sien ons niks van al die wrede plaasmoorde nie… Wat het geword van die Hollandse toeriste wat oorval is op die bus?

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.