Wat is in ʼn naam? Dit het van die Indiese reisiger-sakeman Kovid Kapoor ʼn sensasie op sosiale media gemaak.
Die 31-jarige se Twitter-profiel verklaar: “My naam is Kovid en ek is nie ʼn virus nie.”
Hy het verlede week gesê hy het vir die eerste keer sedert die aanvang van die pandemie buite Indië gereis “en talle mense het vir my naam gelag”.
“Toekomstige reise oorsee gaan prettig wees!” het hy in ʼn plasing geskryf.
Die plasing het talle grappe, meme, boodskappe en versoeke vir onderhoude uitgelok in ʼn oomblik van ligte vermaak waar die hoogs aansteeklike Omikron-variant ʼn groot toename in gevalle in Indië veroorsaak het.
Kapoor maak self grappies en sê hy is al “Kovid-positief sedert 1990”. Hy het ook ʼn foto gedeel waar hy ʼn Corona-bier vashou.
“Ek is Kovid en ek wil nog meer reis,” skerts die medestigter van Holidify.
Hy sê die skielike aandag “was heeltemal onverwags”, maar hy hoop dat dit blootstelling sal gee aan sy onderneming “tydens ʼn baie moeilike tyd vir die bedryf”, het hy aan AFP gesê.
Sedert die aanvang van die pandemie het hy nooit ʼn tekort aan ysbrekers by vergaderings nie, maar het koffiewinkels gevra om nie sy naam aan te kondig wanneer sy bestelling gereed is nie.
Kovid is ʼn ongewone naam in Indië, maar dit beteken “skolier” of “geleerde” in Hindi en Sanskrit met die “d” wat baie sag uitgespreek word.
Kapoor se ma het die naam lank voor sy geboorte al gekies. “Dit is ʼn naam wat mens maklik onthou en dit het ʼn baie mooi betekenis. Dit het nog altyd ʼn indruk gemaak as ek iemand ontmoet. Ek sal dit nooit verander nie.”
The only crazier thing that can happen to me at this point will be: @iamsrk recording a clip of him speaking this dialogue, in his own voice ???????????????? pic.twitter.com/lMrpyc7jTP
— Kovid Kapoor (@kovidkapoor) January 7, 2022
My friend @UddhavParab263 had made some kickass memes for me, some time back – now would be the perfect time to share these! ????????
(PS: DMs open for more memes and jokes ????) pic.twitter.com/XmqFnwdzST
— Kovid Kapoor (@kovidkapoor) January 7, 2022