Ekstra vakansiedae as jy nie rook nie

Argieffoto (Foto: klimkin/Pixabay)

ʼn Maatskappy in Japan gee werknemers, wat nie rook nie, ses dae verlof ekstra per jaar vir die tyd wat rokers gebruik om gereeld ʼn sigaret te gaan rook.

Piala Inc, gebaseer in Tokio, het die beleid ingestel ná ʼn werknemer gekla het dat persone, wat gereeld gaan rook, produktiwiteit beïnvloed, aldus CNBC.

Die maatskappy se kantoor is op die 29ste verdieping geleë en enigiemand wat vinnig wil gaan rook, moet na die kelderverdieping toe gaan. Dit duur dus ongeveer 15 minute lank om ʼn sigaret te gaan rook, en personeel wat nie rook nie, het hul ontevredenheid laat blyk.

Die maatskappy se uitvoerende hoof, Takao Asuka, het van die klag te hore gekom en besluit om nie-rokers ses dae ekstra verlof per jaar te gee as vergoeding.

“Een van ons personeellede, wat nie rook nie, het ʼn boodskap in die maatskappy se voorstelleboks gegooi om te sê dat rokery tot ongelukkigheid lei,” het Hirotaka Matsushima, ʼn woordvoerder vir Piala Inc, gesê. “Ons uitvoerende hoof het die voorstel gesien en ingestem, so nou gee ons nie-rokers ekstra tyd om hulle te vergoed.

“Ons hoop om werknemers aan te moedig om op te hou rook deur byvoordele, eerder as boetes of onder dwang,” het Asuka aan Kyodo News gesê.

Al hoe meer maatskappye in Japan poog om rokery te bekamp. Die plaaslike owerhede in Tokio het ook streng reëls teen rook ingestel voor die Olimpiese Spele in 2020.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

34 Kommentare

jongste oudste gewildste
Yes

YES Ek’s hier daarvoor!

Plaas dat hulle dit in Suid Afrika inbring!

Produktiwiteit is SUPER LAAG wanneer ‘n maatskappy “smoke breaks” toelaat

se maar net

goeie idee, miskien moet hulle dit in suid-afrika ook instel, by werksplekke

Jim

Ek verstaan nie mooi waarom die nie-rokers bevoordeel moet word nie, benadeel liewers die rokers deur hul jaarlikse verlof met die 6 dae in te kort. Dit lyk vir my so na n “verkeerd om” besluit.

SjN

Implimenteer dit in SA, produktiwiteit is juis so laag, betaal nie rokers 6 dae minder.

Susan

This is nonsense – there are loads of employees who sit at their desks doing hardly anything – surfing the internet and playing on Facebook etc. and also taking extended lunch hours. They waste more company time than smokers who go and have a quick smoke a few times a day.