ʼn Man van China maak opslae omdat hy presies soos die miljardêr Elon Musk lyk. Tesla se uitvoerende hoof se “dubbelganger”, soos wat die internet hom noem, laat kykers verstom.
Dit is ʼn ou video, wat oorspronklik deur ʼn gebruiker genaamd Udubria Isaac op 1 Junie op Instagram gedeel is, maar dit versprei nou soos ʼn veldbrand en is reeds meer as 16 miljoen keer gekyk. Die byskrif is bloot: “Chinese Elon Musk”.
Die video begin waar die Chinese man uit ʼn Tesla-motor klim, glimlag en sê: “Haai almal, ek is Elon Musk.”
Gebruikers het hom uitgeken as Yilong Ma.
In die kommentaar is dit duidelik dat mense nie hul oë glo nie. “Dis so snaaks – ná hy sê hy is Elon Musk, weet hy nie wat om verder te sê nie. Hierdie weergawe kom van Mars, nie van China af nie!” skryf een persoon.
ʼn Ander gebruiker meen dit is ʼn fop-video. “Mnr. Musk wou hom self ontmoet, maar hy het nie die uitnodiging aanvaar nie. Hy wil ook nie met verslaggewers gesels nie. Ek vermoed dit is omdat hy dié identiteit vir homself toegeëien het,” het die persoon bygevoeg.
View this post on Instagram
Dit is dalk ‘n kloon:-)
Dolly die 2de?
Tot hy sy mond oopmaak… :-)
Wanneer jy Elon Musk op Wish bestel….
Hopelik is jy nie so siek soos die Musks nie