Fop-sonbrandroom-flop en toe lyk sy soos prinses Fiona

(Foto: Lilly Vigus/TikTok)

Lilly Vigus (18), ʼn student van Rochester in Engeland het ʼn groot fout begaan met ʼn fop-sonbrandroom. Haar vel het groen verkleur en haar vriende het gesê sy lyk soos die karakter Fiona in die rolprent Shrek.

Lilly, ʼn perdebestuurstudent, sê sy het ʼn bottel St Moriz 1 Hour Fast Tan in die skakering van “Darker Than Dark” gekoop, omdat dit die enigste een is wat in die winkel oor was. Dit was haar eerste fout. Haar tweede fout was om dit aan te smeer en toe te gaan slaap, in plaas daarvan om dit dadelik af te was, soos wat die instruksies aandui.

Sy het die volgende oggend gaan stort om die sonbrandroom af te spoel, en toe opgelet die water is groen. Toe sy uitklim, het sy gesien haar vel is dieselfde kleur.

Haar vriende het gelag en haar vinnig met prinses Fiona begin vergelyk, omdat sy met haar rooi hare en groen vel net soos die tekenprentkarakter gelyk het.

Lilly het die fout al in Februarie 2020 begaan en foto’s op haar TikTok-rekening gedeel, maar plaaslike media het eers onlangs daaroor berig.