[Foto] 63-jarige model in swembroek op voorblad

Christie Brinkley en haar dogters, Alexa Ray Joel (31) en Sailor Brinkley Cook (18) Foto: Sports Illustrated

Christie Brinkley en haar dogters, Alexa Ray Joel (31) en Sailor Brinkley Cook (18) Foto: Sports Illustrated

Skoonheid het nie ʼn vervaldatum nie.

Dít is die boodskap wat die Amerikaanse model Christie Brinkley wou oordra nadat sy onlangs op 63-jarige ouderdom op die voorblad van die tydskrif Sports Illustrated saam met haar twee dogters verskyn het.

Brinkley is wyd op sosiale media geprys nadat sy in die jaarlikse swemklere-uitgawe van dié tydskrif saam met haar dogters, Alexa Ray Joel (31) en Sailor Brinkley Cook (18), verskyn het.

Die model het aan Sky News vertel “skoonheid kom in verskillende pakkies en groottes en het beslis nie ʼn vervaldatum nie”.

Sy het die eerste keer in 1979, op 25-jarige ouderdom, op die voorblad van die tydskrif verskyn. Sy was ook in 1980 en 1981 op die voorblad van die jaarlikse weergawe te sien.

Brinkley was ʼn topmodel in die 1980’s en 1990’s. Sy het later ook bekendheid verwerf as televisiepersoonlikheid en was getroud met die sanger Billy Joel.

Bron: Sky News

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
Ekwilibrium

Genade, maar dié tannie dien as inspirasie! Manne, stuur aan vir jul vrouens; ek gaan beslis! En môre seker ‘n blou oog ook hê…

Karma

Wag … wag …. wag …. iets is fout met dié foto … Christie Brinkley staan OP die water, terwyl haar twee dogters feitlik kniediep IN die water staan??? Nee, hierdie foto is ge-“photoshop”!!! En daai tannie is al op elke plek ge”trim, pluck & tuck”.

Nel

Ja nee dis net mense wat oppi water kan loop/staan wat nooit oud word nie…:))

Theuns

Kyk,ek glo n vrou met n mooi persoonlikheid maak haar uiterlik ook mooi,ongeag haar grote,lengte of ouderdom.Soos die ou gesêgde maar gaan …”Die vere maak nie die voël”nie.

minki

Wil net vir jul manne se dit kos n plaas se prys om al die “tools” tot jou beskikking te he om so te lyk. Waardeer jul pragtige vrouens. Daar is bitter min van haar soort in die werklike lewe want daar is n hoe prys om te betaal