[Foto’s] Blommemeisie en ringdraer trou jare later in selfde kerk

Brooke Gibson en Adrian Franklin, wat 17 jaar gelede onderskeidelik die blommemeisie en ringdraer by ʼn troue was, het in dieselfde kerk met mekaar getrou.

Gibson en Franklin was albei vyf jaar oud toe hulle blommemeisie en ringdraer was by vriende van hul ouers se troue in die South Gastonia Church of God in Noord-Carolina. Die twee het verlede maand in dieselfde paadjie afgeloop, maar dié keer vir hul eie troue.

Meer as 300 gaste het die troue bygewoon, insluitend die bruid van die troue waarvan hulle 17 jaar gelede deel was. Gibson en Franklin was saam op skool, maar het later kontak verloor. Hulle het weer ontmoet en dit was liefde met die eerste oogopslag.