Iemand kan dalk vanjaar die wêreld se “duurste lelike Kersfeestrui” in hul Kerskous kry, ʼn eiesoortige geskenk wat die koper $30 000, of sowat R421 000, uit die sak sal jaag.
Die aanlynwinkel, Tipsy Elves, bied vanjaar hierdie ongewone trui te koop aan. Volgens ʼn beskrywing op die webtuiste is die trui met 24 274 Swarovski-kristalle borduur en het dit 52 uur geneem om die trui te maak. Tipsy Elves beskryf die trui as ʼn “eenkeer in ʼn leeftyd versamelaarsitem”.
Die koper sal die trui in ʼn luukse raam ontvang, sodat die trui as ʼn kunswerk vertoon kan word. Of die trui ooit gedra gaan word, is ʼn ander vraag!
Dis nou jammer dit pas my nie want ek het maat XXXL
wie het besluit die trui is lelik? Dis ‘n baie besonderse trui – ek hou daarvan
Die trui is nie lelik nie….
Inteendeel dis Anders, uniek.
Daar is ver teveel bling op na my smaak.
Tog ken ek mense wat dit sal dra.
Teen die prys daarvan koop ek eerder ‘n klomp ander deugsame items.