Foto’s: ‘Disney’-huis het selfs ʼn Tarzan-swaai

(Foto: Zillow-eiendomsagentskap)

ʼn Huis, met ʼn oerwoud-tema, is in die mark vir $1,2 miljoen (sowat R17,7 miljoen) en kopers sal die kans kry om soos ʼn regte Tarzan te leef en van vertrek na vertrek met ʼn tou te swaai.

Die eiendomsagent is op soek na ʼn “unieke koper” vir dié buitengewone huis in Lakeport, Kalifornië. Met ʼn reusagtige olifant uit hout gekerf, plante, ʼn swembad en selfs die swaai beskryf sosialemediagebruikers die drieslaapkamerhuis as ʼn “Disney World vir volwassenes”.

Die huis word op die eiendomsagentskapswebwerf Zillow geadverteer. Die eiendom is al sedert Oktober 2020 beskikbaar en daar was nog nie ʼn geskikte koper nie.

Eiendomsagent Colleen Hennninger sê meeste mense wat na die eiendom kom kyk wil eintlik net kom loer, hulle is nie van voornemens om dit te koop nie.

Die eiendom was aanvanklik vir $1,9 miljoen in die mark.