Dit is soms bitter moeilik om te keer dat jou opgewondenheid vinnig kwyn, veral wanneer jy ʼn sewejarige is wat vir die eerste keer skool toe gaan. Die webwerf Bored Panda het onlangs ʼn vóór- en ná-fotoreeks saamgestel van kinders se eerste dag by die skool.
Te oordeel na dié foto’s, was die eerste skooldag glad nie so lekker soos die meeste kinders verwag het nie.
Ouers wat die foto’s van hul kinders gedeel het, sê die kinders was dikwels huiwerig om terug te gaan skool toe die volgende dag.
“Verbeel hom in ʼn pak, en dan sien jy die meeste volwassenes aan die einde van ʼn werksdag,” het een ouer oor haar moeë seuntjie opgemerk.
Kyk die reeks foto’s hier.
Bron: Bored Panda
Dit is super mooi. So natuurlik. Geen pertensie nie. As hul moeg is, is hul moeg. Pragtige fotos Maroela nuus
Ag foeitog, hulle lyk maar almal pe na die eerste dag.
Sit my foto daar van hoe ek lyk na werk (liewers nie want tot my hakskoene lyk soos gekookte pasta – pap en vaal na ‘n harde dag)….die kleintjies is moedeloos, ek kan ten minste ‘n glas wyn gryp om die skokdae af te was. Sterkte kleingoed, ek is nie sinies nie, maar dit raak net erger.
dis so oulik. Fotos van ons grootmense, kan ons maar net die “na” fotos plaas ons lyk voor en na ewe voos en moeg….lol
Baie oulik hulle het defnitief die dag geniet!!! Ek het nie n voor foto nie ek lyk soos die 2de foto soggens en saans!!!!