[Foto’s en video] Bruid stap met oliebolruiker na kansel

Paige Kirk (23) (Foto: Instagram via @dessertboxes)

Sommige bruide verkies om minder tradisioneel as ander te wees. In die meeste gevalle bly blomme egter ʼn integrale deel van ʼn trouseremonie en -onthaal.

Dít is egter nié die geval nie met ʼn Australiese bruid wat onlangs op haar troue met ʼn ruiker van oliebolle na die kansel gestap het. Die strooimeisies se ruikers was ook oliebolle.

Paige Kirk (23) van Sydney het aan die BBC vertel sy en haar man, Steven, het gedink dit sou “iets anders” en “pret” wees om blommeruikers vir oliebolle te verruil.

“Bruide moet meer ontspanne wees en meer pret hê. Al die gaste het gedink dis skreeusnaaks en die personeel by die onthaal kon nie hul oë glo nie. Mense was mal daaroor,” sê sy.

Kirk sê die strooimeisies het tot ná die seremonie daarin geslaag om nié ʼn hap van hul “ruikers” te  neem nie ten spyte daarvan dat dit hoogs aptytlik gelyk het.

Sy sê die gaste het egter tydens die onthaal behoorlik hul tande in die ruikers geslaan.

Die egpaar is al vir vyf jaar in ʼn verhouding. Die twee het aan die BBC gesê hulle kan nie glo watter oorweldigende reaksie hul oliebolruikers gekry het nie.

The moment that the Bride told the bridesmaids that they'll be walking down the aisle with donut bouquets!

A post shared by Dessert Boxes™ (@dessertboxes) on

Paige Kirk (23) saam met haar strooimeisies (Foto: Instagram via @dessertboxes)

Paige Kirk (23) saam met haar strooimeisies (Foto: Instagram via @dessertboxes)

Paige Kirk (23) (Foto: Instagram via @dessertboxes)

Paige Kirk (23) saam met haar strooimeisies (Foto: Instagram via @dessertboxes)

Paige Kirk (23) (Foto: Instagram via @dessertboxes)

Paige Kirk (23) saam met haar pa (Foto: Instagram via @dessertboxes)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
foxi

Ag nee man………….gaan die troue oor oliebolle…..of gaan dit nou om n belofte te maak aan mekaar. Sommer net snert…..jammer.

Lizelle

Ja-nee, regtig – is die storie nou nuuswaardig…dalk oulik, maar om die nuus te haal- kom nou….

Adrian

Wanneer sy daai ruiker in die lug gooi is daar darem iets om te eet na n paar dae land die blomruiker in die vullisblik

Willem

Dankie Maroela Media dat jul die storie gedeel het. Mens kan nie net leef van ernstige nuus nie.

Leeu

Lyk my dié moet wegbly van oliebolle af.