[Foto’s] Help my! Vissie sit vas in jellievis

Die vissie in die jellievis. Foto: Tim Samuel/Instagram

Die vissie in die jellievis. Foto: Tim Samuel/Instagram

ʼn Australiese fotograaf het opslae gemaak met ʼn foto wat hy geneem het van ʼn vissie wat binne-in ʼn jellievis vasgevang is.

Tim Samuel sê self hy is “obsessief” oor foto’s neem van seelewe. Hy het saam met die videograaf, Franny Plumridge, in Byronbaai gesnorkel toe hy op dié toneel afgekom het.

Samuel skryf “hy het vasgesit, maar tog beheer waarheen die jellievis moes swem”. Samuel het gaan swem in die hoop om van die vele seeskilpaaie in dié baai te siene te kry en af te neem. Ná hy die toneel voor hom sien afspeel het, het hy hulle egter byna ʼn halfuur lank agtervolg om die perfekte foto te kry.

Samuel sê hy het nog nooit in sy “vyf jaar as fotograaf óf as branderplankryer so iets gesien nie. Ek het egter nie geweet niemand het nog ooit so iets afgeneem nie”.

Hy het dit oorweeg om die vissie vry te laat, maar op die ou einde besluit om die natuur “sy gang te laat gaan”.

ʼn Marinebioloog aan die Universiteit van Queensland, Ian Tibbets, sê koningsvissies gebruik dikwels die voelers van dié soort jellievisse vir beskerming. “Dit lyk egter of iets hier skeefgeloop het.”

Die vissie in die jellievis. Foto: Tim Samuel/Instagram

Die vissie in die jellievis.
Foto: Tim Samuel/Instagram

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

7 Kommentare

Grant ·

Ook maar goed hyt besluit om hom te los, daai lyk baie soos n boks jellyvis.

Maggie ·

1. Omdat daar nog nooit so foto geneem is nie.
2. Om te sien hoe wonderlik God die natuur geskape het.
3. Omdat nog ‘n moord-storie nie onder “Vreemdhede” geplaas mag word nie.
4. Ek’s seker jy kry die punt☺

Veritas ·

Die vissie met die duikbril lyk vir my na ‘n mooier een.

christine ·

Boeta hy kan sy sterre dank dat hy nie aan daai ding geraak het nie giftig verby hy sou nie die mooi foto kon uitstuur nie dis verseker. Hulle vermeerder by die dag omdat hulle natuurlike vyande uitgeroei word deur chinese vistreilers. As hy n stukkie van homself verloor groei dit weer die res spoel uit. Maar vir n lewende een kan jy opreg bang wees

Theuns ·

Hallo Christine. Waarsku jy Boeta teen die een met die Duik Bril? Hehe he

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.