[Foto’s] Italië gee eiendomme weg

Foto: BoredPanda.com

Wou jy nog altyd die koning van jou eie kasteel gewees het? Italië gee nou 103 eiendomme, wat villas en kastele insluit, weg. Gratis.

Maar voor jy jou tassie begin pak, lees net eers die fynskrif. Volgens ʼn eiendomsagentskap wat in staatseiendom spesialiseer, is daar sekere voorwaardes wat nagekom moet word: Die eiendom moet gerestoureer word en dan as toeriste-aantreklikheid gebruik word soos byvoorbeeld as hotel, restaurant of spa.

“Hierdie projek sal die toerismesektor steun”, sê Roberto Reggi van die eiendomsagentskap wat die eiendomme bemark. “Die doel is om nuwe lewe in vervalle eiendom te blaas en dit vir toeristedoeleindes te gebruik,”

Aansoeke om die eiendomme te bekom sluit op 26 Junie en indien jou aansoek suksesvol is, het jy nege jaar om die eiendom te restoureer met die moontlikheid vir verlenging vir ʼn verdere nege jaar.

In die volgende twee jaar sal nog 200 eiendomme op dieselfde basis beskikbaar gestel word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

28 Kommentare

jongste oudste gewildste
Ja hoor

Van die plekke is stunning maar sommiges (sien foto 2) is werklik net vervalle ruines wat jy van vooraf sal moet opbou. Waar kry enige gewone Suid Afrikaner die geld om in EURO’s so ‘n groot plek te gaan opbou. Ja as hy leefbaar is, kan mens aanvanklik daar bly maar wat van die dienste? Klink na ‘n awesome plan maar WEEREENS net vir die rykes ‘n uitkoms. Jy moet geld he om geld te maak.

Stacey

Ek wens hier was so ‘n opsie in Suid Afrika. Ek het bietjie geld vir redtourasiewerk en soek dringend blyplek vir my en my hond en kat weg van hierdie mense by wie ek huur. Die eienaar probeer my betas en ek kry nie ander huurplek nie ?

Ai

Ja ek sal dit doen en adverteer en als en as mense bel om te boek sal ek net se jammer ons is vol hahahahaha

Louise

Ek sal my oog tande ruil vir so n geleentheid, watse avontuur sal dit net nie wees nie.
Jy kan jouself laat leef en uit leef in so n geleentheid.
Net jammer die kostes is heeltemal bo my vuur maak plekkie. lol

Hannah

Had ek die geld… was ek reeds daar! Sjoe … dit is baie baie mooi!