[Foto’s] Skillie die skilpad kry nuwe 3D-dop na brand

Foto: www.earthables.com

Foto: www.earthables.com

Freddy die skilpad het die wêreld se eerste 3D gedrukte dop gekry nadat sy eie een in ʼn brand in Brasilië beskadig is. Freddy het ernstige beserings tydens die brand opgedoen en dié prostese-dop is deur ʼn span genaamd die Animal Avengers, opgebou en aangewerk.

“Ek moes ʼn reeks foto’s van Freddy, asook foto’s van ʼn gesonde skilpad, neem om die ontwerp reg te kry,” sê die ontwerper van Freddy se dop, Cicero Moraes. Die dop is ook met die hand geverf om soos ʼn regte dop te lyk.

Na ʼn suksesvolle operasie kon Freddy weer sonder enige gesukkel loop en sy nuwe dop pas ook mooi in by sy natuurlike habitat.

Die Avenger-span is in Sao Paulo gevestig en bestaan uit vier veeartse, ʼn tandheelkundige chirurg en ʼn 3D-ontwerper wat 3D-tegnologie gebruik om ernstig beseerde diere se lewensduur en lewensgehalte te verbeter.

“Ons is eintlik ʼn groep vriende wat ʼn liefde vir diere en wetenskap deel,” meen Dr. Fecchio, ʼn lid van die Avenger-span.

Lees die volledige berig hier.

Foto: www.earthables.com

Foto: www.earthables.com

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

5 Kommentare

Uys ·

Arme ou skillie. Gaan jou nuwe dop ook kan groei soos in die natuur?

Helene ·

Dankie Avenger span!! Hoe raak my hart warm met hierdie stukkie nuus!! Welgedaan!!

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.