[Foto’s] Skreeusnaakse foto’s ná sy alleen wittebrood hou

Huma Mobin van Lahore, Pakistan (Foto: Facebook)

Toe Huma Mobin van Lahore, Pakistan, se man vir haar gesê het dat hy nie op hulle tweede wittebrood kan gaan nie, het sy nie laat dít haar afskrik nie.

Mobin het dié wittebrood alleen gaan hou, en die internet is behoorlik op hol oor haar skreeusnaakse wittebroodfoto’s.

Sy verskyn byna op al die foto’s met ʼn uitgestrekte arm vir waar haar man sou staan, en ʼn gesigsuitdrukking wat skree van verlange.

Haar man is egter nie al nie wat nié teenwoordig was tydens die vakansie nie – sy het ook per ongeluk haar selfoon in die Egeïese See laat val, en met nóg meer skreeusnaakse foto’s vorendag gekom.

Mobin het BuzzFeed News vertel haar man kon nie die wittebrood meemaak nie omdat hy nie sy visum betyds kon kry nie. “Die wittebrood was egter reeds bespreek en klaar betaal, so ek het besluit om te gaan,” het sy gesê.

Sy het glo die idee van haar man gekry van vorige foto’s wat hy aangestuur hy wanneer hy na haar verlang. “Hy het kort ná ons verlowing met vakansie na Boedapest gegaan en vir my foto’s gestuur met die hand wat my kamtig omhels waar ek sou staan as ek daar was.”

Mobin se skoonouers was wel saam met haar op die wittebrood. “Ek het alles moontlik gesien, en die vakansie baie geniet.”

Bron: The Huffington Post