Liezel Kennedy, ʼn boer van Saskatchewan in Kanada, het Dinsdagoggend uitgery op die plaas om na haar ongeveer 500 skape om te sien. Toe sy egter by ʼn veldjie opdaag waar hulle veronderstel is om te wei, wou dit voorkom of haar skape oornag verdwyn het!
“Ek het aanvanklik reg verby hulle gery,” het sy aan BuzzFeed Canada gesê.
Kyk na die volgende paar foto’s – hulle is regtig daar! Op een van die foto’s is die skape ongeveer 15 meter ver. Liezel het glo dieselfde probleem in warmer maande.