Geheimsinnige swart ring laat talle kopkrap

Skermgreep uit die video

Talle persone krap kop oor ʼn geheimsinnige swart ring wat onlangs in die lug in Pakistan verfilm is. Kenners reken hulle het ʼn eenvoudige verklaring.

Twitter-gebruiker Blue on Blue het die sirkelvormige swart rook in Lahore opgemerk en ʼn video daarvan gepubliseer. “They are here,” het hy by die plasing geskryf.

Twitter-gebruikers het vinnig daarop reageer en gespekuleer of dit dalk tekens kan wees van ruimtewesens en hul vreemde vlieënde voorwerp of moontlik ʼn deurgang na ander dimensies.

Volgens The Sun is dit moontlik veroorsaak weens ʼn brand by ʼn nywerheidsaanleg. Die rookwolk is waarskynlik veroorsaak deur ʼn klein ontploffing in ʼn ronde struktuur.

Soortgelyke wolke is al ʼn paar keer vantevore opgemerk. NBC News berig ʼn Britse skolier, Georgina Heap, het al in 2014 ʼn soortgelyke fenomeen met haar selfoon afgeneem. Daar is uiteindelik bepaal die “Black Ring of Leamington Spa” word verbind met ʼn vuurwerketoets by die nabygeleë Warwick Castle.

ʼn Soortgelyke ring is ook in 2012 in Chicago opgemerk ná ʼn elektriese transformator opgeblaas het.

Twitter-gebruiker Tariq Irfan het op Blue on Blue se plasing reageer en ook ʼn video gedeel wat hy onlangs in Dubai verfilm het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

10 Kommentare

Stof ·

Niemand noem egter die moontlikheid dat dit ‘n romantiese siel is wat die liefde van sy lewe vra om sy ring te aanvaar nie?

Johan Venter ·

Was dit nie weer Van Hunks aan die werk met sy pyp nie?

Johan Venter ·

En wie weet wie Van Hunks was? Google gerus, ‘n baie interssante storie van hoe Duiwelspiek aan sy naam gekom het.

Jacques die Goodwoodianer ·

Ek hoop darem rêrig nie dat enigiemand gedink het dat dit enigiets met “wesens van die buitenste ruim” te doen het nie. Ek is seker daarvan Twitter was sarkasties.

stormrider ·

Dit lyk vir my eerder na ‘n groot swerm insekte wat migreer

Karl ·

As jy dit google, het jy 15 verskillende antwoorde wat die kan vorm. No Mystery here.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.