Groot debat oor vrou se streng reëls vir haar man

Die lys van reëls wat op Facebook gedeel is

ʼn Vrou het ʼn omstrede lys van reëls vir haar man op sosiale media gedeel en dit het intussen groot opslae gemaak.

Die vrou van Australië, slegs bekend as Rosiee, het die lys op ʼn geslote Facebook-groep, “Get it off your chest” gepubliseer. Sy het gesê haar vorige lys van eise was “te streng”, so sy het die lys nou bygewerk.

Die vroue se reëls is die volgende:

  • Geen vriendinne nie
  • Geen sosiale media nie
  • Slegs enkellopende mansvriende
  • Moet minstens 50 ure per week werk
  • Mag nie rook nie
  • Mag slegs twee keer per jaar of minder drink en nooit dronk word nie
  • Geen PlayStation of ander speletjiesmasjiene nie
  • Geen pornografie nie
  • Moet ten alle tye die huis skoon hou
  • Mag nie sonder haar uitgaan nie

Die lys het vinnig ʼn debat op sosiale media ontketen en talle gebruikers was geskok oor die lys eise.

“Jy moet dan dieselfde reëls volg – geen mansvriende nie en geen sosiale media nie,” het een gebruiker reageer.

Ander persone het die vrou veroordeel: “Jy kan nie iemand besit nie! Hierdie is ʼn gyselaarsituasie, nie ʼn huwelik nie.”

Een van die ander gebruikers het die vrou se vertroue in haar man bevraagteken. “Mens kan dit nie aan iemand anders doen en verwag om gelukkig te wees nie. Mense wat gelukkig getroud is, het nie ʼn lys van reëls nodig nie – die grense word reeds gerespekteer.”

Die vrou is ook aangeraai om met ʼn berader te gesels.

Die webwerf MamaMia het die geslote Facebook-groep gekontak en só in aanraking gekom met die vrou wat die plasing gedoen het. Die vrou het nie haar regte naam gebruik toe sy die lys reëls in die groep gepubliseer het nie en sy wil steeds anoniem bly. “Dit was eintlik bietjie van ʼn grap en dit het mense laat dink oor verhoudings waar ander persone beheer word,” het die vrou gesê. “Ek is bietjie van ʼn grapjas en plaas soms omstrede dinge om mense aan te hits.” Sy bely sy het nooit dié reaksie verwag nie.

“Ek is gelukkig getroud. En ons het glad nie só lys van reëls nie – nie vir my of vir my man nie,” het die vrou gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

58 Kommentare

jongste oudste gewildste
Andre

Bye, bye voor die troue.

honourable member

Nogals enkellopende mansvriende. Ja sure en hulle kyk nie rond om meisies te jag nie. Nee wat die vrou leef in haar eie wereld.

Foxi

Oh my genade tog! Die bruidegom moet so vinnig as wat hy kan padgee. Watse soort huwelik gaan dit wees? Hierdie vroumens is n diktator van n baasbrein in die huis……..maar hy trou nogmaals met haar? Maggies meneertjie…..soos hulle sê…..die liefde is blind!???

TRACY

En seker n “denkbeeldige” man ook…………lol

E.K. die eerste

Ag lees tog – sy is gelukkig getroud dit was net ‘n grap!