Groot spyt oor dié tatoe

Ashley Burke met vakansie (Foto verskaf aan Khou TV)

Die tatoe was veronderstel om ʼn tydelike tatoe en ʼn grappige oomblik vir die gesin te wees, maar dit het nou ʼn permanente fout vir een vrou geword.

Ashley Burke was met vakansie in Mexiko saam met haar gesin toe drie van hulle Henna-tatoes gekry het. Ashley het groot letters oor haar bors laat skryf, “No Ragrets”, waar “regrets” (“berou, spyt”) doelbewus verkeerd gespel is, soos die toneel uit die fliek, We’re The Millers, waar ʼn karakter dieselfde tatoe gekry het, berig Khou TV.

Ashley het gedink dit sal tydelik ʼn grap wees, aangesien Henna-tatoes gewoonlik mettertyd verdof. Sy het egter ʼn reaksie gehad op die Henna, en die letters het nie verdwyn nie. Dis nou al ʼn week ná hul vakansie, en die letters is steeds donker oor haar bors geskryf.

“Henna is nie swart nie, dit was nog nooit swart nie. As iemand jou swart tydelike Henna-tatoes aanbied, kan dit langdurend wees. Beskerm jou gesin en doen navorsing oor alles,” het Ashley Woensdag gesê.

Die oord het intussen per e-pos om verskoning gevra en aangebied om enige mediese onkoste te dek wat sy dalk moet aangaan.

Ashley se gesinslede wat ook Henna-tatoes gekry het, se tatoes het ná ʼn paar dae verdof.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

34 Kommentare

jongste oudste gewildste
Hennie

Nou lag die wêreld vir haar!

RB

O, die ironie! “Some ragrets after all”
:)

Hennie

Tatoos is vir mense wie soek na ‘n identiteit. Dis verlore siele.

Anoniem

Daar is maar net nie so iets soos ‘n mooi tatoe nie…! Elke een is lelik

Isabel

Gelukig het almal die vryheid van keuse en opinie ne……