Hieroor het FB-gebruikers vanjaar die meeste gepraat

Grafika: pixabay.com

Grafika: pixabay.com

Met meer as 1.79 miljard gebruikers op Facebook, word miljoene onderwerpe maandeliks op dié sosialemediaplatform bespreek. Maar watter onderwerpe het gebruikers in 2016 die meeste aan die gons gehad?

Facebook het Donderdag, as ʼn terugblik op 2016, die jaar se gewildste onderwerpe wêreldwyd op die platform bekendgemaak. Die onderstaande onderwerpe is vanjaar die heel meeste in inskrywings en kommentare op Facebook genoem:

  • Die VSA se presidensiële verkiesing
  • Die Brasiliaanse politiek
  • Pokemon Go
  • Die Black Lives Matter-beweging
  • Rodrigo Duterte en die Filippynse presidensiële verkiesing
  • Die Olimpiese Spele
  • Brexit
  • Die Super Bowl
  • David Bowie
  • Muhammad Ali

In pas met die res van die wêreld, het Suid-Afrikaanse Facebook-gebruikers ook baie op politieke onderwerpe in hul aanlyn-besprekings en kommentaar gefokus. Memeburn berig die onderwerpe wat die meeste SA-gebruikers op Facebook bespreek het, is die Suid-Afrikaanse munisipale verkiesing, die VSA se presidensiële verkiesing, pres. Jacob Zuma, die FeesMustFall-beweging en die Olimpiese Spele.

Baie van dieselfde onderwerpe het ook onder die 317 miljoen gebruikers op Twitter opgeduik. Die gewildste hutsmerke op Twitter vir 2016 is:

#Rio2016
#Euro2016
#Election2016
#Brexit
#Trump
#RIP
#BlackLivesMatter
#Oscars
#GameofThrones
#PokemonGo

Facebook het ook die jaar se tien gewildste regstreekse video’s op die platform bekend gemaak. In die eerste plek was ʼn regstreekse video wat Candace Payne, ʼn ma van Grand Prairie, Texas in die VSA, in Mei gemaak het. Die video, wat tot dusver al meer as 163 miljoen keer gekyk is, het van Payne ʼn oornag-sensasie gemaak en sy is nou wêreldwyd bekend as “chewbacca mom”.

Payne deel op die video haar opgewondenheid oor ʼn aankoop van $30, maar het sekerlik nooit gedink hoe gewild die video sou word nie. Volgens Time het Payne sedertdien al meer as $420 000 se geskenke ontvang, onder meer ʼn vakansie vir haar gesin na Disney World, winkelgeskenkbewyse en selfs volle universiteitsbeurse vir haar hele gesin.

Indien jy nog nie Payne se video gesien het nie, kyk dit gerus hier:

It's the simple joys in life….

Posted by Candace Payne on Thursday, 19 May 2016

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

5 Kommentare

jongste oudste gewildste
Valerie

Facebook, is daar iets op die planeet wat vlakker en meer common is? Het mense regtig niks beter om te doen as om hul tyd op sosiale media te mors nie? Dit grens aan voorskoolse twak en is totaal onbelangrik, tensy, natuurlik, die gebruiker aandag soek wat sy of hy nie in die regte lewe kry nie. Genugtig, mense kan nie eers meer ordentlik met mekaar praat sonder dat die vingertjies op Facebook vroetel nie. Ietwat verby pateties. Alles “trend” kamtig of is ‘n “oornag sensasie.” Word groot, Facebook mense, die heelal draai nie om julle nie, al word dit… Lees meer »

Jan

Vingertjies vroetel? Penny Sparow het ook in daardie lyne kommentaar gelewer en kyk in watter gemors het sy beland, die waarheid vrywaar jou nie aldag van vervolging en verguising nie.

Kobus

Hahaha, uitstekend! Haar lag is so aansteeklik en elke Star Wars-aanhanger sal dit geniet. Soos sy sê: “It’s the simple joys…”.