Hoe teken jy ʼn X? Die internet krap kop

Grafika: @smasey op Twitter

Hoe maak jy ʼn X? Dit lyk soos ʼn eenvoudige vraag, maar dit het intussen groot reaksie op sosiale media uitgelok toe ʼn Twitter-gebruiker dié vraag gevra het.

Daar is agt verskillende maniere om ʼn eenvoudige X te maak – en gebruikers was vinnig om aan te dui hoe hulle dit doen.

Die agt kombinasies word verteenwoordig met verskillende kleure en pyle vir die manier en rigting van die eerste en tweede hale om die X te maak en almal probeer bepaal wat hulle styl is.

Van die gebruikers voer aan dit hang af hoe jy geleer is en dat dit selfs van die land afhang waar jy grootgeword het, en nie net of jy links- of regshandig is nie. Die konsensus was dat Amerikaners hoofsaaklik 7 of 8 kies en persone in Engeland hoofsaaklik 5 of 6.

Watter nommer verteenwoordig jy?

Also this is so interesting to me – which way do you draw an X? Colored line being the first stroke pic.twitter.com/a0WTl8WT7P

— sixers smasey (@SMASEY) January 20, 2019