Is jy linkerbrein of regterbrein? Dié prent het dalk die antwoord

Die optiese illusie wat wyd op sosiale media gedeel word

ʼn Optiese illusie word wyd op sosiale media gedeel wat aanvoer dat dit kan onthul of ʼn persoon linkerbrein-dominant of regterbrein-dominant is.

“As jy ʼn regterbrein is, sal jy ʼn vis sien. As jy ʼn linkerbrein is, sal jy ʼn meermin sien,” lui die byskrif by die illustrasie. Duisende mense, insluitend bekendes, het egter van hulle laat hoor sedert die illustrasie op Twitter begin versprei het.

Meeste meen dat die illustrasie glad nie soos ʼn vis óf ʼn meermin lyk nie; dit lyk eerder soos ʼn donkie of ʼn rob.

“Dis ʼn donkie,” skryf outeur JK Rowling.

Britse komediant en outeur David Baddiel sien ‘n asbliksakkie.

Aanbieder Jonathan Ross meen dit lyk soos ʼn rob.

Aktrise Amanda Abbington stem saam – dit lyk so bietjie soos ʼn rob.

Terwyl die tekening wyd versprei word met bewerings dat dit kan onthul watter kant van die brein meer dominant is, is daar niks om daarop te dui dat dit wel só is nie.

Die menslike brein is in twee lobbe verdeel – links en regs. Daar word algemeen aanvaar dat diegene wat linkerbrein-dominant is, goed vaar in logiese en analitiese denke, terwyl regterbrein-dominante mense meer kreatief is. Dié idee word al dekades lank geglo, maar volgens Harvard Health dui nuwe bewyse daarop dat linkerbrein vs. regterbrein niks meer as bloot ʼn mite is nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

25 Kommentare

Denise ·

so dan moet ek linker en regter brein aangele wees want dit lyk na n donkie / perd kop, ek sien soos in glad nie n meermin of n vis nie

Misky ·

Definitief ‘n donkie dadelik gesien. Ek sien nie eens die meermin of vis nie, al probeer ek ook.

Nella ·

Ek sien eers ‘n perd en dan ‘n vis. Die vis se stert is bo

Swerwer ·

dan is ek onnosel/niks, want die ore van die perd/donkie kan as die vis/meermin se stert gesien word.

RS ·

Wie se dis n meermin of n vis?

Ek sien donkiekop… kan n rob ook wees.

Lollapop ·

dan het ek seker nie ‘n brein nie want ek sien ‘n donkie se kop

Se maar net ·

Ek’s seker maar ‘n middel brein, sien ‘n donkie

Wondermaarnet ·

Ek is links en sien nie een van die twee nie. Lyk vir my soos ‘n eend se bek aan die bokant.

Charllas ·

Ek is 33 ek glo lankal nie meer in meerminne nie! Daai is n rob! Kan dalkn donkie wees as ek lank genoeg kyk maar ek sien `n oulike rob!

Kokkies ·

Wel, ek sien ‘n donkie eerste en dan ‘n rob wat op sy rug lê met sy stert in die lug. Geen vis of meermin nie.

Chris dupreez ·

Lyk soos n rob wat op sy rug lê, met sy kop gedraai. Kyk sy gesig, sy vinne ( hande) en dan sy stert wat boontoe wys. Vir sal dit maar n baie lelike maerkop donkie wees.

Eend Bessinger ·

Ek sien ‘n rob. Miskien gebruik ek albei breindele…

Sandra ·

Ek sien ‘n donkie, en ‘n rob wat op sy sy le met sy stertvin in die lug. So watter brein is ek dan nou eintlik

Piet parys ·

Julle moet mooi kyk dit is nie n vis of meermin nie maar wel n Rob.

Beth ·

Ek sien ook nie ‘n vis of ‘n meermin nie … is seker nie linker of regter brein nie … “On the left, nothing’s right, on the right nothing’s left … ☺

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.