John Lennon (Foto: John Lennon/Facebook)
John Lennon van The Beatles se sonbril is vir £137 500 (meer as R2,6 miljoen) op ʼn veiling in Londen verkoop.
Sotheby’s-afslaers het die sonbril, met groen gekleurde lense, Vrydag tydens ʼn veiling in Londen verkoop. Die sonbril het aan Alan Herring behoort, die chauffeur vir die Liverpool-kwartet se Ringo Starr en George Harrison.
“In die somer van 1968 het ek John saam met Ringo en George in Ringo se Mercedes opgelaai en hulle na die kantoor toe geneem,” het Herring gesê, in ʼn verklaring wat Sotheby’s vrygestel het.
“Toe John uitklim, het ek die sonbril op die agterste sitplek gesien – een lens en ʼn armpie was los. Ek het by hom gehoor of ek dit vir hom kon laat herstel, maar hy het net gesê ek hoef nie bekommerd te wees nie – dis net vir die look.”
Herring het die sonbril toe nooit laat regmaak nie en die sonbril is vir £137 500 verkoop aan ʼn anonieme koper.
Die sonbril wat verkoop is (Foto: Sotheby’s)
“Dit was vir my belangrik, vir my familie se onthalwe, dat ek van die versameling ontslae raak terwyl ek nog die stories van alles kon vertel,” het Herring bygevoeg.
Lennon is in die ouderdom van 40 oorlede toe hy in 1980 deur ʼn aanhanger buite sy Manhattan-woonstelblok aangeval is.
Dit n mooi bril.
Dat mense nog geld het on so te Mors
Is onverstaanbaar. Soveel mense vergaan van elende
Oh! Darling
All You Need Is Love
Imagine, so,
Let It Be…
‘n Stukkie geskiedenis. Ek wens ek kon die bril bekostig, dit het ongelooflike sentimentele waarde.
Well, imagine that!
Ag nee regtig, More is jy die bril kwyt en so ook jou geld. Nee wat so simple is ek nie.
My aanbod van R2.5 miljoen net-net nie gemaak. Ek wou huil
Hy kon enige bril gehad het hy het nooit die Lig gesien nie.